पुणे, : शासन नागरीकांच्या कल्याणासाठी विविध कल्याणकारी योजना राबवत असते त्या योजना जनतेपर्यंत पोहचवून त्याची प्रभावी पणे अमलबजावनी करावी असे प्रतिपादन महसूल, मदत व पुनवर्सन, सार्वजनिक बांधकाम मंत्री चंद्रकांत पाटिल यांनी आज येथे केले.
वडगाव-मावळ पंचायत समिती नुतन इमारतीच्या उद्घाटन प्रसंगी ते बोलत होते. यावेळी लोकप्रतिनिधी आणि शासकीय अधिकारी यांच्या समन्वयाने पंचायत समीतीची नुतन देखणी वास्तू उभी राहिली आहे. या नुतन इमारतीचा सर्वसामान्यांना विविध सेवा देण्यासाठी चांगला उपयोग होईल.
लोकप्रतिनिधींनी परिणामकारकता वाढवावी तसेच सरकारी अधिकाऱ्यांबरोबर सहकार्यांने विकास साधावा, आपला देश समुध्द होण्यासाठी पंचायत समितींचे महत्वाचे योगदान आहे.
यावेळी बोलताना जिल्हा परिषद अध्यक्ष प्रदिप कंद म्हणाले कि, मावळ तालूका टँकरमुक्त करण्यात आला असून तालूका पाणंदमुक्त आणि कुपोषण मुक्त करण्याचा प्रशासनाचा प्रयत्न आहे.
आमदार संजय भेगडे यांनी ग्रामपंचायतीचा कारभार ऑनलाईन करण्यात येत असल्याचे सांगितले. ग्रीन पंचायत हा आगामी काळातील मानस असल्याचे ते बोलले.
या कार्यक्रमाला खासदार श्रीरंग बारणे, लोकप्रतिनिधी नागरिक व अधिकारी उपस्थित होते.