पुणे- मल्टीप्लेक्स व अन्य चित्रपटगृहातील शीतपेये व पाण्याच्या बाटल्या यांच्या किंमती तपासण्याची जोरदार मोहीम अन्न व नागरी पुरवठा विभागाने उघडली असून दिवसात ‘सिटी प्राईड’ कोथरूड, ‘अॅमेनोरा’ हडपसर यांसह शहरातील मॉल मधील सात हून अधिक मल्टीप्लेक्स मध्ये निरीक्षकांनी मोहीम राबवली.अन्न व नागरी पुरवठा मंत्री गिरीश बापट यांनी हि माहिती दिली. ते म्हणाले, पुण्यातील वेस्टइंड मॉल औंध, सिटी प्राईड कोथरूड, केएफसी, साफिरे फूड्स औंध, सिजन मॉल हडपसर,इनऑरबीट मॉल नगर रोड येथील पीव्हीआर सिनेमाज येथे अचानक भेटी देवून हि तपासणी करण्यात आली.
या मोहिमेत पॅकबंद वस्तूंच्या वेस्टनावरील, आवेष्टित वस्तूंचे नाव, उत्पादक किंवा आवेष्टक यांचे नाव व पत्ता, कमल
किरकोळ विक्रीची (सर्व करांसह) किंमत, उत्पादनाची तारीख,निव्वळ वजन इत्यादी बाबींची तपसणी करण्यात आली. पुणे
जिल्ह्याचे सहाय्यक नियंत्रक, वैध मापन शास्त्र, नितीन उदमले, यांच्या मार्गदर्शनाखाली वैध मापन शास्त्रनिरीक्षक राजेंद्र आखरे, गिरीधर वाघमारे, प्रवीण जोशी, प्रमोद कुडाळकर, संगमेश्वर रघोरी, सोमनाथ महाजन यांनी मोहिमेत सहभाग घेतला.
बापट पुढे म्हणाले कि, छापील दरापेक्षा अधिक दराने खाद्यपदार्थ व शीतपेये यांची विक्री होत असल्यास तत्काळ कारवाई करण्याचे आदेश संबंधित विभागाला देण्यात आले आहेत. एकाच वजनाची एकाच वस्तू वेगवेगळ्या दराने विकण्यास मज्जाव करण्यात आला असून प्रत्येक वस्तूच्या कमाल किरकोळ विक्रीच्या (सर्व करांसह) किंन्तींवर शासन लक्ष ठेवून आहे. किमतींवर नियंत्रण आणण्यासाठी राज्य शासनाने पुढाकार घेवून नियमात बदल करण्याचा प्रस्ताव अलीकडेच केंद्राकडे पाठविला होता. केंद्राने नुकतीच या प्रस्तावाला मंजुरी दिल्याने अन्न व नागरी पुरवठा विभागाने कठोर कारवाईची मोहीम हाती घेतली आहे. या संदर्भातील तक्रारी नोंदवून घेण्यासठी स्वतंत्र्य कक्ष उघडला आहे. त्यासाठी ग्राहकांनी ०२०-२६१३७११४ या दूरध्वनी क्रमांकावर संपर्व साधावा किंवा aclmpune@yahoo.in या ईमेल पत्यावर तक्रार करावी