पुणे . :- विकसकांना रेरा नंतरच्या नियमांची माहिती व्हावी यासाठी क्रेडाई
महाराष्ट्र आणि महारेराच्या वतीने पुणे येथे या कार्यशाळेचे
आयोजन करण्यात आले आहे. येत्या १५ जूनला क्रेडाई-पुणे मेट्रोच्या
ऑडीटोरियम मध्ये दुपारी २ ते ५ पर्यंत हा कार्यक्रम होणार असून
महारेराचे सचिव डॉ. वसंत प्रभू विकासकांना मार्गदर्शन करतील. क्रेडाई
महाराष्ट्रने दूर दूरच्या गावांमधील विकासकांनाही याचा फायदा
व्हावा यासाठी या कार्यक्रमाचे थेट प्रक्षेपण (लाईव्ह टेलिकास्ट) क्रेडाई पुणे
मेट्रोच्या फेसबुक पेज वरून संपूर्ण महराष्ट्रात करण्याचे
ठरवले आहे.
यामुळेच भंडारा, परभणी, चंद्रपूर, रत्नागिरी,मालवण, सावंतवाडी,इत्यादी
ठिकाणी बसून कार्यशाळेत मिळणारे मार्गदर्शनाचा अनुभव
इतर विकासकांना देण्याचा आमचा मानस आहे अशी माहिती कटारिया यांनी दिली.
ते पुढे म्हणाले महारेराच्या वेबसाईटवरील अटींची पूर्तता न केल्यास यामुळे
दंडाला सामोरे जावे लागेल. असे होवू नये यासाठी या
कार्यशाळेचे आयोजन केले आहे.
यावेळी क्रेडाई महाराष्ट्राचे अध्यक्ष शांतीलाल कटारिया,क्रेडाई पुणे मेट्रोचे
अध्यक्ष श्रीकांत परांजपे, क्रेडाई महाराष्ट्राच्या स्टेट अॅडव्हायरी
कौन्सिलचे अध्यक्ष सुहास मर्चंट,क्रेडाई महाराष्ट्राच्या रेरा कमिटीचे
संयोजक अखील अग्रवाल उपस्थित असणार आहेत. ही कार्यशाळा
सर्वांसाठी खुली असणार आहे.
क्रेडाई पुणे मेट्रोच्या फेसबुक पेजचे लाईक बटन दाबल्यानंतर या कार्यशाळेचा
लाभ घेता येणे शक्य आहे. संबंधित लिंक सोबत जोडली
आहे. https://www.facebook.com/CredaiPuneMetro