भाजपा शहर कार्यालयात झालेल्या कार्यक्रमात नूतन अध्यक्ष योगेशजी गोगावले व प्रदेश चिटणीस धीरजजी घाटे यांचा सत्कार पश्चिम महा. संघटन मंत्री रावि अनासपुरे यांच्या हस्ते करण्यात आला. यावेळी शहर सरचिटणीस संदीप खर्डेकर, मुरलीधर मोहोळ, रमेश काळे, नगरसेविका मुक्ताताई टिळक, मनीषाताई घाटे, स्मिताताई वस्ते नगरसेवक दिलीप काळोखे, धनंजय जाधव, युवा मोर्चा अध्यक्ष गणेश घोष व मोठ्या संख्येने उपस्थित असलेल्या इतर पदाधिकारी कार्यकर्ते यांच्यासमोर अध्यक्षपदाचा कार्यभार स्वीकारताना मा. योगेश गोगावले बोलत होते. यावेळी त्यांनी सरकारच्या जनकल्याण योजना तळागाळातील लोकांपर्यंत पोचविण्यासाठी कार्यकर्त्यांची फळी उभारण्याची योजना असल्याचे सांगितले. महानगर पालिकेच्या निवडणुकीत पक्षाला बहुमत मिळाल्याशिवाय मा. पंतप्रधानांच्या स्वप्नातील आपले पुणे साकारणे शक्य होणार नाही. २०१९ सालापर्यंत मा. पंतप्रधानांच्या योजनांची ८०% अंमलबजावणी पुणे शहरात झाली पाहिजे त्यासाठी महापालिकेवर भाजपा झेंडा फडकावू असा विश्वास यावेळी त्यांनी व्यक्त केला. तसेच कार्यकर्त्यांकडून सूचना घेण्यासाठी, भेटण्यासाठी, कामासंबंधी शहर कार्यालयात उपलब्ध राहणार असल्याचे त्यांनी सांगितले. राष्ट्र उभारणीसाठी कार्यकर्त्यांनी वेळ देऊन निश्चित दिशेने काम करण्याचे आवाहन त्यांनी केले.