पुणे-कन्नड रक्षण वेदिका या संघटनेकडून महाराष्ट्रातील वाहनांंवर हल्ले झाल्याच्या प्रकारचे पडसाद आज पुण्यात उमटू लागल्याचे दिसून येत आहे .कर्नाटकच्या बसेस वर आज आंदोलकांनी काळ्या रंगाचे फवारे मारले तर कुठे भगव्या अक्षरात ‘जय महाराष्ट्र ‘ लिहिले गेले. पोलिसांनी तोडफोड होऊ नये म्हणून कार्यकर्त्यांना समजावून सांगण्याची भूमिका घेतलेली दिसली .
आज सकाळी कर्नाटकात महाराष्ट्रातील पाच ते दहा वाहनांवर दगडफेक करण्यात आली आहे. त्यानंतर पोलिसांनी कन्नड रक्षण वेदिकाच्या कार्यकर्त्यांना अटक केली. नारायण गौडा यांना देखील अटक करण्यात आली. कर्नाटकातील हिरेबागेवाडी या ठिकाणी महाराष्ट्रातील वाहनांवर हल्ला करण्यात आला आहे. पुण्याहून बंगळुरूकडे जाणाऱ्या वाहनांवर कन्नड वेदिका संघटनेच्या पदाधिकाऱ्यांनी हा हल्ला केला आहे.यामुळे महाराष्ट्रात देखील आता कर्नाटक विरोधात वातावरण निर्माण होऊ पाहत आहे .