पुणे-सावित्रीबाई फुले पुणे विद्यापीठाच्या सिनेट निवडणुकीसाठी “सावित्रीबाई फुले प्रगती पॅनल”च्या मुख्य निवडणूक कचेरीचा शुभारंभ आज महाराष्ट्र राज्याचे विधानसभेचे विरोधी पक्ष नेते अजितद पवार यांच्या हस्ते तर महाराष्ट्र राज्याच्या विधानपरिषदेचे विरोधीपक्ष नेते अंबादास दानवे यांच्या प्रमुख उपस्थितीमध्ये संपन्न झाला.
सावित्रीबाई फुले पुणे विद्यापीठाच्या सिनेट निवडणुकीत महाविकास आघाडी “सावित्रीबाई फुले प्रगती पॅनल”च्या माध्यमातून निवडणूक लढवत असून सर्व दहा ते दहा ठिकाणी महाविकास आघाडीच्या वतीने तरुण युवक व उच्च विद्याविभूषित उमेदवारांना संधी देण्यात आली असून पॅनलच्या जाहीरनाम्याचा जाहीरनामाचे प्रकाशन देखील या सोहळ्यात मान्यवरांच्या हस्ते संपन्न झाले.
यावेळी बोलताना अजित पवार म्हणाले की , पुणे विद्यापीठाची सिनेट निवडणूक ही राज्याच्या शैक्षणिकदृष्ट्या एक महत्त्वाची निवडणूक मानली जाते. पुणे विद्यापीठाचा कारभार अधिकाधिक लोकाभिमुख व्हावा व समाजातील सर्वसामान्य बहुजन वर्गातील मुला-मुलींना तेथे उच्च प्रतीचे शिक्षण मिळावे हीच सावित्रीबाई फुले प्रगती पॅनलची माफक अपेक्षा आहे. विद्यापीठाच्या संलग्न असणाऱ्या महाविद्यालयांची शैक्षणिक गुणवत्ता सुधारणे, विद्यापीठाची परीक्षा पद्धती अधिकाधिक पारदर्शक करणे, विद्यापीठाच्या अहमदनगर व नाशिक केंद्रात सर्व सोयी सुविधा उपलब्ध करून देणे या प्रमुख मुद्द्यांसह सावित्रीबाई फुले प्रगती पॅनलचे उमेदवार ही निवडणूक लढवित असून या पॅनलमधील सर्व उमेदवार हे उच्चविद्याविभूषित असून, विद्यार्थ्यांच्या प्रश्नांची जाण असणारे आहेत त्यांना आपले पसंती क्रमांक ०१ चे मत देऊन त्यांना आपले प्रश्न सिने मध्ये मांडण्याची संधी नक्की द्यावी असे आवाहन देखील त्यांनी केले.
याप्रसंगी राष्ट्रवादी काँग्रेस पार्टीचे शहरअध्यक्ष प्रशांत जगताप, शिवसेनेचे शहर प्रमुख संजय मोरे, गजानन थरकुडे, आमदार चेतन तुपे, माजी आमदार जयदेवराव गायकवाड , कमल ढोले पाटील, ज्येष्ठ नेते अंकुश काकडे, दिपाली धुमाळ,नगरसेवक रत्नप्रभा जगताप,नंदा लोणकर,सायली वांजळे, प्रदीप देशमुख,डॉक्टर सुनील जगताप,रुपाली ठोंबरे पाटील यांसह मोठ्या संख्येने महाविकास आघाडीतील घटक पक्षांचे पदाधिकारी व कार्यकर्ते उपस्थित होते.
