कल्याण ज्वेलर्स या भारतातील विश्वासार्ह व आघाडीच्या ज्वेलरी ब्रँडने आपल्या परिवारातश्वेता बच्चन नंदा यांचा समावेश केला आहे. ब्रँडच्या नव्या टीव्ही कॅम्पेनमध्ये श्वेता त्यांचे वडील व सन 2012 पासूनचे कल्याण ज्वेलर्सचे ब्रँड अम्बॅसेडर अमिताभ बच्चन यांच्याबरोबर सहभागी होणार आहेत.
पहिल्यांदाच, वडील व मुलगी यांच्यातील गहिरे नाते अॅड फिल्मसाठी अभिनयाद्वारे व्यक्त केले जाणार आहे. एलअँडके सातची अँड सातची यांनी लिहिलेल्या व स्कल्प्टर्स प्रॉडक्शनचे जीबी विजय यांनी दिर्गदर्शित केलेल्या अॅड फिल्ममध्ये वडील व मुलगी यांची गोष्ट सांगितली आहे, तसेच कल्याण ज्वेलर्स जपत असलेली पारदर्शकता व विश्वास ही मूल्येही समाविष्ट केली आहेत.
आगामी पुस्तकाची नुकतीच घोषणा केलेल्या श्वेता बच्चन नंदा डिझाइनर म्हणूनही ओळखल्या जातात. कल्याण ज्वेलर्सच्या परिवारात सहभागी झालेल्या श्वेता ब्रँडच्या विविध ग्राहक-केंद्री उपक्रमांमध्ये ब्रँडचा चेहरा असणार आहेत.कपड्यांच्या निवडीबद्दल लोकप्रिय असलेल्या श्वेता ब्रँडसाठी सिग्नेचर कलेक्शन झळकवत असताना स्वतःची खास शैलीही उमटवणार आहेत.
कल्याण ज्वेलर्सचे कार्यकारी संचालक रमेश कल्याणरामन यांनी सांगितले, “कल्याण ज्वेलर्स ब्रँडच्या टीव्ही कॅम्पेनध्ये सहभागी होण्यास श्वेता यांनी तयारी दर्शवली आहे, ही आनंदाची बाब आहे. बच्चन परिवाराबरोबर आमचे दीर्घ काळापासून नाते असून, श्री व सौ बच्चन आमच्या ब्रँडचे जगभर प्रतिनिधित्व करतात. अमिताभ बच्चन व श्वेता वडील व मुलगी या भूमिका साकारत आहेत, अशी पहिलीच अॅड फिल्म पाहायला प्रेक्षकांना नक्की आवडेल. एक ब्रँड म्हणून कल्याणने नेहमीच कुटुंब व नाती या बंधांना महत्त्व दिले आहे. श्वेता यांनी डिझाइनच्या बाबतीत दिलेल्या योगदानामुळे कल्याणचे ट्रेंडी व आकर्षक सिग्नेचर कलेक्शन आणखी उठून दिसणार आहे.’’
ही टीव्हीसी मल्याळममध्येही चित्रित करण्यात येत असून त्यामध्ये अमिताभ बच्चन यांच्या मुलीची भूमिका मंजु वॉरिअर करणार आहेत. ही जाहिरात जुलैपासून दाखवली जाण्याची शक्यता आहे.
कल्याण ज्वेलर्सविषयी
केरळ राज्यातील त्रिशूर येथे मुख्यालय असलेली कल्याण ज्वेलर्स ही भारतातील एक सर्वात मोठी दागिने उत्पादक वितरक आहे. 1993 मध्ये पहिले ज्वेलरी शोरूम सुरू केल्यापासून कल्याण ज्वेलर्सने भारतात अंदाजे दोन दशके आपले स्थान निर्माण केले आहे. कल्याण 2013 पासून जीसीसीमध्ये कार्यरत आहे व यूएई, कतार, कुवेत व ओमान येथेही व्यवसाय करत आहे. कंपनीने गुणवत्ता, पारदर्शक दर व नावीन्य या बाबतीत या उद्योगात बेंचमार्क निर्माण केला आहे. कल्याणमध्ये सोने, हिरे व मौल्यवान धातूंच्या पारंपरिक व आधुनिक दागिन्यांचे असंख्य प्रकार उपलब्ध असून ते ग्राहकांच्या विविध गरजा पूर्ण करतात. आज, कल्याण ज्वेलर्सची भारतात व पश्चिम आशियात 122शोरूम आहेत. कल्याण ज्वेलर्सने नैतिक व न्याय्य पद्धतीने व्यवसाय करण्याचे स्थापनेपासूनचे तत्त्व आजही कायम ठेवले आहे.
