~ 120 हून अधिक प्रकल्पांद्वारे व्यवसाय सुरू करणार ~
- पुण्यातील सध्याच्या आघाडीच्या विकसकांशी असलेल्या घाऊक अर्थपुरवठा सहयोगाचा लाभ घेणार
- विकसकांसाठी अगोदरच 3,250 कोटी रुपयांहून अधिक रकमेची घाऊक कर्जे मंजूर
पुणे: पिरामल हाउसिंग फायनान्स या पिरामल फायनान्सच्या संपूर्ण मालकीच्या उपकंपनीने पुण्यामध्ये प्रवेश केल्याची घोषणा आज केली. पिरामल फायनान्स आपल्या घाऊक व्यवसायाद्वारे सन 2014 पासून पुण्यामध्ये कार्यरत आहे. घाऊक व्यवसायाने विकसकांसाठी अगोदरच 3,250 कोटी रुपये मंजूर केले आहेत.
हाउसिंग फायनान्स व्यवसायाद्वारे कंपनी आता पुण्यातील विकसकांना गृहकर्जे, मालमत्तेवर कर्ज व बांधकामासाठी लहान प्रमाणात अन्य कर्जे उपलब्ध करून देणार आहेत.
घाऊक व्यवसायाचा आकार, प्रमाण व संबंध यांचा लाभ घेत, पिरामल फायनान्सने सध्याच्या घाऊक बिझनेसला पूरक ठरण्यासाठी किरकोळ (रिटेल) सेवा दाखल केली असून यामुळे आता रिअल इस्टेटमधील सर्व प्रकारची वित्तीय उत्पादने उपलब्ध करण्यास मदत होणार आहे.
पिरामल हाउसिंग फायनान्स विशिष्ट गरजांनुसार उत्पादने तयार करून पुण्यातील घर ग्राहकांवर (पगारदार व स्वयंरोजगार असलेले असे दोन्ही ग्राहक) लक्ष केंद्रित करण्यासाठी डेव्हलपमेंट पार्टनरना मदत करणार आहे. हाउसिंग फायनान्स व्यवसायाचा विस्तार करण्यासाठी कंपनीने विशिष्ट धोरण आखले असून हे धोरण म्हणजे विविध घटकांची योग्य सांगड आहे: खास बिझनेस मॉडेल – B2B2C – (बिझनेस टू डेव्हलपर टू कस्टमर) कंपनीचे वेगळेपण अधोरेखित करते, सध्याच्या पसंतीच्या डेव्हलपमेंट पार्टनरबरोबरचा सहयोग व नावीन्यपूर्ण उत्पादने यांची सांगड घातली जाते व उत्तमोत्तम वित्तीय पर्याय उपलब्ध केले जातात.
पिरामल फायनान्स व पिरामल हाउसिंग फायनान्सचे व्यवस्थापकीय संचालक खुशरू जिजिना म्हणाले, “पुण्यामध्ये आमचा हाउसिंग फायनान्स व्यवसाय सुरू करताना आम्हाला अतिशय आनंद होत आहे. इक्विटी, डेट् व आता हाउसिंग फायनान्स अशा संपूर्ण उत्पादनांसंबंधीच्या अत्यंत अनुभवी टीमच्या मदतीने आम्ही दीर्घ काळ या क्षेत्रात कार्यरत आहोत. हाउसिंग फायनान्स दाखल करण्याच्या पार्श्वभूमीवर, पुण्यामध्ये हाउसिंग फायनान्स व्यवसाय वाढवण्यासाठी आम्ही आणखी 50 स्थानिक व्यक्तींची नियुक्ती केली आहे. मुंबई, दिल्ली व बेंगळुरू येथून मिळालेल्या सकारात्मक प्रतिसादाप्रमाणेच पुण्यातही चांगला प्रतिसाद मिळेल, अशी अपेक्षा आहे. येत्या काही महिन्यांत आम्ही महाराष्ट्रातील व्यवसाय जास्तीत जास्त वाढवणार असून, नाशिकमध्येही प्रवेश करणार आहोत.”
हाउसिंग फायनान्सने अलीकडेच एक नावीन्यपूर्ण उत्पादन दाखल केले आहे – ‘सुपर’ लोन. ‘सुपर’ लोनमध्ये रिटेल कर्जासाठी क्रेडिटविषयक निकषांचे मूल्यमापन करण्याबरोबरच भविष्यातील उत्पन्नाची क्षमता विचारात घेतली जाते व त्यामुळे ग्राहकाला आदर्श घर घेणे शक्य होते. या कर्जामुळे व्यक्तींना त्यांचे पहिले घर फार तरुण वयात (पहिल्यांदा घर घेण्यासाठीच्या पूर्वीच्या सरासरी 35 या वयाच्या तुलनेत आता 28 वर्षे) खरेदी करता येते.
याबरोबरच, पिरामल फायनान्सकडील ‘ब्रिकेक्स’ या विशेष विक्री व संशोधन कार्यामुळे नावीन्यपूर्ण मार्केटिंग धोरणे ओळखण्यासाठी व राबवण्यासाठी आणि नव्या वितरण व चॅनेल पार्टनरबरोबर प्राथमिक विक्रीला चालना देणे, यासाठी मदत होणार आहे.
