इंडसइंड बँकेने इंडसइंड बँक नेक्स्ट क्रेडिट कार्ड हे बटन असलेले भारतातील पहिले इंटरॅक्टिव्ह क्रेडिट कार्ड दाखल केले आहे. हे कार्ड ग्राहकांना केवळ कार्डवरील बटन दाबून, पॉइंट ऑफ सेल (पीओएस) टर्मिनल येथे पेमेंटचे तीन पर्याय उपलब्ध करणार आहे – क्रेडिट, 4 कालावधीचे पर्याय असणाऱ्या ईएमआयमध्ये व्यवहाराचे रूपांतर (6, 12, 18 व 24 महिने) किंवा साठलेले रिवॉर्ड पॉइंट वापरणे.
हे कार्ड डायनॅमिक्स इंकच्या भागीदारीने निर्माण केले असून कंपनीचे मुख्यालय पिट्सबर्ग अमेरिका येथे आहे आणि कंपनी इंटलिजंट, बॅटरी पावडर्ड पेमेंट कार्ड यांचे डिझाइन व उत्पादन करते.
पेमेंट कार्डासाठी क्रांतीकारी ठरेल अशा तंत्रज्ञानाचा वापर त्यामध्ये केला आहे. तसेच ग्राहकांना वापरण्यासाठीही ते अतिशय उपयुक्त आहे व मूल्य देणारे आहे. या तीन पर्यायांशी संबंधित असलेल्या एलईडी दिव्यांचा वापर करून हे कार्ड ग्राहकाच्या पसंतीचा पेमेंटचा पर्याय दर्शवते. ग्राहकांना पीओएस व्यवहारांचे रूपांतर ईएमआयमध्ये करण्यासाठी किंवा रिवॉर्ड पॉइंट रीडिम करण्यासाठी कोणतीही कागदपत्रे भरून देण्याची किंवा त्यांच्या बँकेला कॉल करण्याची किंवा कोणत्याही बँकिंग चॅनलला लॉग इन करण्याची आवश्यकता नाही.
याविषयी बोलताना, इंडसइंड बँकेचे कन्झ्युमर बँकिंग हेड सुमंत कठपालिया यांनी नमूद केले, “इंडसइंड बँक नेक्स्ट क्रेडिट कार्ड दाखल केल्याचे जाहीर करताना आम्हाला अतिशय आनंद होत आहे. या कार्डामुळे, क्रेडिट कार्डाच्या वापराने पेमेंट करताना ग्राहकांना विविध पर्याय देणे, हे आमचे उद्दिष्ट आहे. निवड करण्याचे स्वातंत्र्य पूर्णतः ग्राहकांना देण्यात आले आहे. आमच्या दृष्टीने, ग्राहकांना मिळणारा अनुभव सर्वात महत्त्वाचा आहे आणि आमच्या नावीन्यपूर्ण उत्पादने व सेवांद्वारे ग्राहकांना उत्कृष्ट अनुभव देण्याचा आमचा सतत प्रयत्न असतो.”
इंडसइंड बँकेचे मार्केटिंग व रिटेल अनसिक्युअर्ड अॅसेट्सचे ईव्हीपी व हेड अनिल रामचंद्रन यांनी सांगितले, “इंडसइंड बँकमध्ये आम्ही ग्राहकांना सबल करतील व अधिकाधिक सोय देतील, असी वित्तीय उत्पादने तयार करताना आम्ही ग्राहकांच्या गरजांनुसार नावीन्य समाविष्ट करतो. आम्हाला इंडसइंड बँक नेक्स्ट क्रेडिट कार्ड दाखल करताना अतिशय आनंद होत आहे. या कार्डामुळे ग्राहकांना पॉइंट ऑफ सेल येथे त्यांच्या पसंतीच्या माध्यमातून पेमेंट करण्याचे स्वातंत्र्य मिळणार आहे. त्यांना केवळ एक बटन दाबून ही सुविधा वापरता येणार आहे. ही प्रक्रिया अतिशय सोपी आहे.”
मास्टरकार्डचे दक्षिण आशियाचे डिव्हिजन प्रेसिडेंट पोरुष सिंग म्हणाले, “नेक्स्ट क्रेडिट कार्ड हे वैशिष्ट्यपूर्ण वैशिष्ट्य असलेले भारतातील पहिले क्रेडिट कार्ड दाखल करण्यासाठी इंडसइंड बँकेशी भागीदारी करताना आम्हाला अतिशय आनंद होत आहे. हे कार्ड वापरून ग्राहकांना खरेदी करता येईल, क्रेडिट घेता येईल आणि मर्चंट टर्मिनलवर रिवॉर्ड वापरता येतील व त्यामुळे हे आजवरचे सर्वात नावीन्यपूर्ण उत्पादन ठरणार आहे. मास्टरकार्डने नेहमीच ग्राहकांना प्राधान्य दिले आहे आणि कार्डधारकांना खरेदीचा उत्तम अनुभव व सोय मिळेल यावर आमचे नावीन्य भर देते.”
इंडसइंड बँक नेक्स्ट क्रेडिट कार्डमध्ये विविध वैशिष्ट्ये समाविष्ट असून, त्यामुळे ग्राहकांना एंटरटेन्मेंट ऑफर्स, कन्सीर्ज सर्व्हिसेस, लाउंजची उपलब्धता, इंधन सरचार्ज माफ, रिवॉर्ड मिळवणे व रिवॉर्ड रिडम्शन यामार्फत खरेदीचा उत्तम अनुभव मिळू शकतो. कार्डामध्ये विशेष नेक्स्ट रिवॉर्ड पॉइंट्सही समाविष्ट असून, त्यामुळे ग्राहकांना अधिक लाभ मिळतील.