पुणे : शारदीय नवरात्री निमित्त शिवदर्शन येथील श्री लक्ष्मीमाता मंदिरात अश्विन शुद्ध प्रतिपदेच्या मुहूर्तावर पुणे नवरात्रौ महोत्सवाचे अध्यक्ष, नगरसेवक आबा बागुल आणि सौ. जयश्री बागुल यांच्या हस्ते विधीवत घटस्थापना करण्यात आली. श्री. होतीलाल शर्मागुरुजी आणि श्रीकांत रामचंद्र दंडवतेगुरुजी यांनी पौरोहित्य केले. सनई चौघडा वादनाचे मंगल स्वर आणि बँडवर वाजविलेली भक्ती गीते अशा वातावरणात हा सोहळा झाला. यावर्षी देवीसाठी सोन्याचा मुकूट आणि सोन्याची साखळी बनविण्यात आली. बागुल यांच्या हस्ते आज हे दागिने देवीला अर्पण करण्यात आले. सकाळपासून भाविक दर्शनासाठी येत होते. नवरात्रीनिमित्त मंदिर आणि परिसराची नेत्रदीपक सजावट करण्यात आली आहे.