पुणे : मराठी विज्ञान परिषद पुणे विभागातर्फे ‘नवीन शैक्षणिक धोरणात विज्ञानाचे स्थान’वर चर्चासत्र आयोजित करण्यात आले आहे. उद्या रविवारी (दि. १३) सायंकाळी ५.४५ ते ७.१५ या वेळेत हे चर्चासत्र गुगल मीटद्वारे होणार आहे. राज्याचे माजी शिक्षण संचालक डाॅ. वसंत काळपांडे, महाराष्ट्र बालशिक्षण परिषदेचे उपाध्यक्ष डाॅ. बाळकृष्ण बोकील, महाराष्ट्र टाईम्स, पुणे आवृत्तीचे निवासी संपादक श्रीधर लोणी मार्गदर्शन करणार आहेत.
नवीन शैक्षणिक धोरणाच्या मसुद्यात विज्ञानाविषयी नेमके काय धोरण आहे? ते समजावून घेण्यासाठी हे चर्चासत्र आयोजिली असून, हे सर्वांसाठी विनामूल्य असणार आहे. विज्ञान परिषदेचे माजी अध्यक्ष विनय र. र. सूत्रसंचालन करणार आहेत. meet.google.com/mrg-fepe-gdv या गुगल लिंकवरून आपण या चर्चासत्रात सहभागी होऊ शकता, असे चर्चासत्राचे समन्वयक अशोक तातुगडे यांनी कळविले आहे.