मुंबई : सणासुदीच्या पार्श्वभूमीवर आयसीआयसीआय बँकेने आपला वार्षिक ‘फेस्टिव्ह बोनान्झा’ पुन्हा सादर केला आहे. ऑनलाइन शॉपिंग, मोबाइल फोन, इलेक्ट्रॉनिक्स, प्रवास, फॅशन, फर्निचर-होम डेकोर आणि क्विक कॉमर्ससह विविध श्रेणींमध्ये ग्राहकांसाठी सवलत, कॅशबॅक आणि ईएमआय सुविधा उपलब्ध करून देण्यात आल्या आहेत.
बँकेच्या क्रेडिट आणि डेबिट कार्ड्स, इंटरनेट बँकिंग, कार्डलेस ईएमआय आणि नो-कॉस्ट ईएमआयचा वापर करून ग्राहकांना या ऑफर्सचा लाभ घेता येणार आहे.
बँकेने फ्लिपकार्टच्या बिग बिलियन डेज सेलसाठी भागीदारी केली असून, 8 ऑक्टोबर 2026 पासून सुरू होणाऱ्या सेलमध्ये विविध उत्पादनांवर 10 टक्क्यांपर्यंत सवलत मिळणार आहे.
आयफोनवर 7 हजारांपर्यंत कॅशबॅक
नवीन आयफोन ड्युओ, आयफोन 18 प्रो आणि आयफोन 18 प्रो मॅक्सवर 7 हजार रुपयांपर्यंत इन्स्टंट कॅशबॅक देण्यात येणार आहे. काही निवडक ॲपल उत्पादनांवर 15 हजार रुपयांपर्यंत कॅशबॅक उपलब्ध असल्याचे बँकेने सांगितले.
आयसीआयसीआय बँकेच्या क्रेडिट कार्डधारकांना ॲपलच्या ‘iPhone for Life’ कार्यक्रमाचाही लाभ घेता येणार आहे. निवडक आयफोन मॉडेल्ससाठी 24 महिन्यांच्या व्याजमुक्त हप्त्यांची सुविधा असून हप्त्यांची सुरुवात 2,497 रुपयांपासून होईल. पुढील आयफोनमध्ये अपग्रेड करताना विद्यमान आयफोनसाठी बायबॅक पर्यायही उपलब्ध असेल.
इलेक्ट्रॉनिक्सवर 30 हजारांपर्यंत सवलत
एलजी, सॅमसंग, हायर, सोनी, एचपी, मायक्रोसॉफ्ट सरफेस आणि जेबीएलसह विविध इलेक्ट्रॉनिक्स ब्रँड्सवर 30 हजार रुपयांपर्यंत सवलत देण्यात येणार आहे. क्रोमा, रिलायन्स डिजिटल आणि विजय सेल्समध्येही निवडक उत्पादनांवर ऑफर्स उपलब्ध असतील.
गुगल पिक्सेल 11 आणि शाओमी स्मार्टफोनवर 10 हजार रुपयांपर्यंत, तर ओप्पो आणि वनप्लस फोनवर 5 हजार रुपयांपर्यंत सवलत मिळणार आहे.
प्रवासावर 35 हजारांपर्यंत सवलत
मेकमायट्रिप, गोआयबिबो, यात्रा, ईझमायट्रिप, इक्सिगो आणि पेटीएम फ्लाइट्सवर फ्लाइट्स, हॉटेल्स आणि हॉलिडे पॅकेजेसच्या बुकिंगवर 35 हजार रुपयांपर्यंत सवलत उपलब्ध असेल. एअर इंडियाच्या वेबसाइटवर फ्लाइट बुकिंग केल्यास 10 टक्क्यांपर्यंत सवलत मिळणार असल्याचे बँकेने म्हटले आहे.
फॅशन, फर्निचर आणि क्विक कॉमर्समध्येही ऑफर्स
टाटा क्लिक आणि अजिओवर खरेदी केल्यास 12 टक्क्यांपर्यंत सवलत मिळेल. पेपरफ्राय, अर्बन लॅडर, द स्लीप कंपनी, स्लीपीहेड, ड्युरोफ्लेक्स आणि अन्य होम डेकोर ब्रँड्सवर 30 टक्क्यांपर्यंत सवलत देण्यात येणार आहे.
फ्लिपकार्ट मिनिट्स, ब्लिंकिट आणि झेप्टोच्या माध्यमातून किराणा आणि दैनंदिन वापराच्या वस्तूंच्या खरेदीवरही निवडक सवलती उपलब्ध असतील.
ॲव्हिस, कॉर्डेलिया क्रूझेस, पिकयुअरट्रेल, नॅशर माइल्स, फर्न्स एन पेटल्स, आयजीपी आणि इतर ब्रँड्सवर 35 टक्क्यांपर्यंत सवलत देण्यात येणार आहे.
बँकेच्या प्रवक्त्यांनी सांगितले की, सणासुदीच्या काळात ग्राहकांना शॉपिंगचा अनुभव अधिक फायदेशीर आणि सोयीस्कर करण्यासाठी विविध आघाडीच्या ब्रँड्ससोबत भागीदारी करण्यात आली आहे.
दरम्यान, ॲमेझॉन पे आयसीआयसीआय बँक क्रेडिट कार्डवर ॲमेझॉन खरेदीसाठी 5 टक्क्यांपर्यंत रिवॉर्ड पॉइंट्स, मेकमायट्रिप आयसीआयसीआय बँक क्रेडिट कार्डवर 6 टक्क्यांपर्यंत मायकॅश आणि अदानी वन आयसीआयसीआय बँक क्रेडिट कार्डवर 7 टक्क्यांपर्यंत रिवॉर्ड पॉइंट्स यांसारखे वर्षभर उपलब्ध फायदेही सुरू राहणार आहेत.
सर्व ऑफर्सवर संबंधित नियम आणि अटी लागू राहतील.
