मुंबई : टायटन कंपनीने घड्याळनिर्मिती क्षेत्रात आणखी एक महत्त्वाचे पाऊल टाकत ‘वेत्रा’ (Vetra) या स्वतः विकसित केलेल्या इन-हाउस मेकॅनिकल यंत्रणेची घोषणा केली आहे. या यंत्रणेवर आधारित ‘टायटन ऑटोमॅटिक्स’ हे नवे कलेक्शनही सादर करण्यात आले असून, ‘वेत्रा 7A सीरीज’च्या माध्यमातून आधुनिक मेकॅनिकल डिझाईन, अचूक इंजिनिअरिंग आणि विविध फंक्शन्स एका प्लॅटफॉर्मवर उपलब्ध करून देण्याचा कंपनीचा प्रयत्न आहे.
टायटनच्या मते, ‘वेत्रा’ या नावाची निर्मिती ‘वेद’ आणि ‘त्रा’ या दोन संकल्पनांमधून झाली आहे. ‘वेद’ काळाकडे भारतीय तत्त्वज्ञानातून पाहण्याची संकल्पना दर्शवते, तर ‘त्रा’ म्हणजे ऊर्जेला कार्यक्षम यांत्रिक रूप देणारी प्रणाली. त्यामुळे ‘वेत्रा’ला घड्याळाचे असे इंजिन म्हणून मांडण्यात आले आहे जे साठवलेल्या ऊर्जेचे अचूक वेळेत रूपांतर करते.
टायटन कंपनी लिमिटेडच्या वॉचेस डिव्हिजनचे व्हाईस प्रेसिडेंट आणि चीफ सेल्स अँड मार्केटिंग ऑफिसर राहुल शुक्ला यांनी सांगितले की, ‘वेत्रा’मुळे स्वतःची मेकॅनिकल यंत्रणा तयार करणाऱ्या जगातील मोजक्या घड्याळ उत्पादक कंपन्यांमध्ये टायटनचे स्थान अधिक मजबूत झाले आहे. भारतीय घड्याळ उद्योगाच्या स्वदेशी क्षमतेला आणि जागतिक ओळखीला या उपक्रमामुळे चालना मिळेल, असा विश्वास त्यांनी व्यक्त केला.
नव्या ‘टायटन ऑटोमॅटिक्स’ कलेक्शनमध्ये इन्फिनियम, ड्युअलिस, मिडनाईट आणि एट्रियम अशा चार प्रमुख डिझाईन्सचा समावेश आहे. ही घड्याळे 316L सर्जिकल-ग्रेड स्टेनलेस स्टीलपासून तयार करण्यात आली असून, 3-लेयर अँटी-रिफ्लेक्टिव्ह कोटिंग असलेले सॅफायर क्रिस्टल ग्लास आणि अंधारात स्पष्ट दिसण्यासाठी स्विस सुपर-ल्युमिनोव्हा यांचा वापर करण्यात आला आहे.
इन्फिनियम मॉडेलमध्ये ‘Vetra Calibre 7A20+’ असून 72 तासांचा पॉवर रिझर्व्ह दिला आहे. ड्युअलिसमध्ये ‘7A37 Vetra Calibre’सह स्वतंत्र GMT काटा आणि 24 तासांचे फिरते बेझल आहे. मिडनाईटमध्ये ‘Vetra 7A77 Calibre’सह ड्युअल-डिस्क बिग डेट डिस्प्ले आहे, तर एट्रियममध्ये स्वतंत्र सेकंद डायल, रोमन अंक आणि ओपन-हार्ट पर्याय उपलब्ध आहे.
टायटनने सांगितले की, प्रत्येक ‘वेत्रा’ यंत्रणा कुशल कारागिरांकडून हाताने जोडली जाते आणि तिची आंतरराष्ट्रीय मानकांनुसार स्वतंत्र चाचणी केली जाते. यामध्ये NF S 81-513 आणि ISO 22810 या मानकांचा समावेश आहे.
या कलेक्शनची किंमत ₹47,995 ते ₹54,995 दरम्यान आहे. ‘टायटन ऑटोमॅटिक्स’ कलेक्शन निवडक Titan World, Helios स्टोअर्स आणि Titan.co.in या अधिकृत वेबसाइटवर उपलब्ध होणार आहे.
