माजी आमदार स्व.सुरेशभाऊ गोरे यांच्या स्मारकासाठी आणि स्थानिक विकासासाठी आमदार निधीतून २५ लाख रुपये देण्याची घोषणा
चाकण, दि. १० ऑक्टोबर २०२६ : खेड तालुक्याचे माजी आमदार स्व. सुरेशभाऊ गोरे यांच्या सहाव्या पुण्यस्मरणानिमित्त आयोजित कार्यक्रमात शिवसेना नेत्या तथा महाराष्ट्र विधान परिषदेच्या माजी उपसभापती डॉ. नीलम गोऱ्हे यांनी त्यांना भावपूर्ण श्रद्धांजली अर्पण केली.
यावेळी बोलताना डॉ. गोऱ्हे म्हणाल्या की, स्व. सुरेशभाऊ गोरे यांनी शिक्षण, आरोग्य, स्थानिक विकास आणि जनतेच्या प्रश्नांसाठी सातत्याने काम केले. चाकण परिसरातील पोलीस यंत्रणेला अधिक मनुष्यबळ आणि वाहने मिळावीत, यांसारखे महत्त्वाचे प्रश्न आम्ही सभागृहात मांडले होते. जनतेच्या हितासाठी काम करण्याची त्यांची तळमळ आणि विकासासाठीचे योगदान कायम स्मरणात राहील.
शिवसेना मुख्य नेते ना. एकनाथ शिंदे व शिवसैनिक कायम चाकण , राजगुरूनगर परिसर व गोरे परिवार यांच्या पाठीशी राहिल अशी ग्वाही नीलमताई गोर्हेंनी दिली ,
राजगुरुनगर आणि खेड परिसरात राजकीय मतभेद असले, तरी मनभेद नाहीत, हे आजच्या कार्यक्रमात विविध पक्षांचे पदाधिकारी आणि मान्यवर मोठ्या संख्येने उपस्थित राहिल्याने स्पष्ट होते. स्व. सुरेशभाऊ गोरे यांच्या कार्याचा वारसा पुढे नेण्यासाठी सर्वांनी एकत्रित प्रयत्न करणे यासाठी स्व स्व.सुरेशभाऊ गोरे यांच्या स्मारकासाठी आणि महिला बचत गट भवन उभारणे आवश्यक आहे, या स्थानिक विकासासाठी आमदार निधीतून २५ लाख रुपये देण्याची घोषणा डॉ. नीलमताई गोऱ्हे यांनी यावेळी केली.
यावेळी अभिवादन करताना माजी खासदार शिवाजीराव आढळराव पाटील, आमदार बाबाजीशेठ काळे, नगराध्यक्ष मनिषा सुरेश गोरे , निर्मलाताई पानसरे माजी अध्यक्ष जिल्हा परिषद, अतुल भाऊ देशमुख सभापती पंचायत समिती , अशोकदादा राक्षे सभापती बाजार समिती, रणजीत भाडे उपसभापती, अंकुश राक्षे, विजया शिंदे, जिल्हाप्रमुख प्रकाश वाडेकर, आनंद गोयल पुणे शहर संघटक व अनेक पदाधिकारी व मान्यवर यावेळी उपस्थित राहून श्रद्धांजली अर्पण केली.
