‘पीएनबी हाउसिंग फायनान्स’ने ‘रोशनी’ या आपल्या परवडणाऱ्या गृहकर्ज योजनेचा केला विस्तार

Date:

टियर-२ आणि टियर-३ शहरांमध्ये उघडल्या शाखा

·         ‘पीएनबी हाउसिंग फायनान्स’तर्फे १२ नवीन शाखांमध्ये रोशनी-केंद्रित योजनेच्या उद्घाटनाची घोषणा.

·         ग्राहकांच्या विस्तृत श्रेणीसाठी रोशनी गृहकर्जाची संधी; प्रथमच कर्ज घेणाऱ्या, तसेच कमी वा मध्यम उत्पन्न असलेल्या स्वयंरोजगार करणाऱ्या व्यक्तींनाही होणार लाभ.

·         कमी ईएमआय आणि ३० वर्षांपर्यंतच्या मुदतीसह परतफेडीचे विविध पर्याय.

वाघोली,१९ जून २०२३ : ‘पीएनबी हाउसिंग फायनान्स लिमिटेड’ने परवडणाऱ्या घरांसाठीची ‘रोशनी’ ही वित्त योजना प्रामुख्याने उपलब्ध करून देण्यासाठी १२ नवीन शाखा उघडल्या आहेत. सामान्य जनांना त्यांच्या दीर्घकालीन उद्दिष्टाच्या अनुषंगाने घर घेण्याचे स्वप्न पूर्ण करण्यात ही योजना मदत करते. या योजनेच्या कार्यान्वयासाठी कंपनीने आपल्या एकंदर संरचनेत एक वेगळा विभाग निर्माण केला असून त्यामध्ये विक्री, वित्त, वसुली आणि कामकाज यांसाठी समर्पित कर्मचारी पथकांचा समावेश केला आहे.

कंपनीने देशभरातील लहान शहरांमध्ये आपला विस्तार चालविला आहे. या अनुषंगाने होस्कोट, केंगेरी, येलाहंका, अट्टीबेले, वाघोली, बोलिंज, जुने पनवेल, तिलाई नगर, नागरकोइल, मथुरा, जोधपूर आणि अहमदाबाद अशा सहा राज्यांतील शहरांमध्ये रोशनी-केंद्रित शाखांच्या उद्घाटनाची घोषणा कंपनीतर्फे आज करण्यात आली.

विशेषकरून टियर-१, टियर-२ आणि टियर-३ या श्रेणीतील शहरांच्या बाहेरील भागांत ‘रोशनी’च्या माध्यमातून परवडणारी गृहकर्जे पीएनबी हाउसिंग फायनान्स कंपनी प्रदान करीत आहे. या योजनेत विविध गरजा भागवणाऱ्या कर्जांचे प्रकार समाविष्ट आहेत. घराची खरेदी, स्वतः करीत असलेले बांधकाम, घराचा विस्तार किंवा त्याचे नूतनीकरण, भूखंड खरेदी करून त्यावर बांधकाम आणि मालमत्तेवरील तारण कर्ज अशी कर्जे रोशनी योजनेत मिळू शकतात. त्यामुळे, प्रथमच एखादे कर्ज घेणारा नागरीक असो, औपचारिक स्वरुपाचे उत्पन्न नसलेला स्वयंरोजगार करणारा ग्राहक असो, १० हजार रुपये इतके कमी घरगुती उत्पन्न असलेल्या अल्प उत्पन्न गटातील पगारदार असो किंवा मध्यम उत्पन्न गटातील पगारदार, हे सर्वजण या कर्जांसाठी पात्र असतील.

‘पीएनबी हाऊसिंग फायनान्स’चे व्यवस्थापकीय संचालक व मुख्य कार्यकारी अधिकारी गिरीश कौसगी म्हणाले, “स्वतःच्या मालकीचे घर असावे अशी इच्छा असणाऱ्यांचे स्वप्न साकार करण्याच्या धोरणातून आम्ही हे प्रयत्न करीत आहोत. व्यक्ती आणि समाज या दोन्हींच्या सामाजिक-आर्थिक प्रगतीला चालना देऊन त्याद्वारे सुलभ गृहकर्ज उपलब्ध करणे, हे आमचे उद्दिष्ट आहे. केंद्र सरकारच्या ‘सर्वांसाठी घरे‘ उपक्रमाच्या अनुषंगाने देशभरातील व्यापक ग्राहकांपर्यंत आम्ही रोशनीच्या माध्यमातून पोहोचतो आहोत. येत्या तीन वर्षांत, परवडणारी गृह कर्जे आणि प्राइम कर्जे या दोन्ही कर्जांचा आमचा पोर्टफोलिओ बळकट झालेला असेल.”

सध्या १५० जिल्ह्यांमध्ये ५००हून अधिक ठिकाणी कंपनीच्या शाखा आहेत. ‘रोशनी’ची सुविधा असणाऱ्या आताच्या या शाखा उघडल्यानंतर, यातील एकूण रोशनी शाखांची संख्या ८८ इतकी होणार आहे. त्यांचा आणखी विस्तार व्हावा, याकरीता कंपनी सक्रियपणे काम करीत आहे.

पीएनबी हाऊसिंग फायनान्स कंपनी ३४ वर्षांहून अधिक काळ या व्यवसायात आहे. ग्राहकांचा विश्वास, संपूर्ण भारतात शाखांचे नेटवर्क आणि चांगली सेवा देणारी यंत्रणा यांच्या आधारावर कंपनी देशभरातील गृहकर्ज हवे असणाऱ्या नागरिकांना सेवा देते. उत्तर प्रदेश, उत्तराखंड, मध्य प्रदेश, छत्तीसगड, राजस्थान, गुजरात, तामिळनाडू, आंध्र प्रदेश, तेलंगणा, कर्नाटक, महाराष्ट्र आणि दिल्ली-एनसीआर अशा १५ राज्यांमध्ये वाढ करण्याचा कंपनीचा मानस आहे.

SHARAD LONKAR
SHARAD LONKARhttps://mymarathi.net/
पुण्याचे स्वतंत्र ,पहिले,ऑनलाइन मराठी न्यूज पोर्टल.. http://mymarathi.net/ पुणे महापालिकेची मुख्य सभा लाईव्ह करणारे सर्वात पहिले न्यूज पोर्टल .. C.G.Registration No.MSME/ MH- 26-0179354,M.G. RC No. DCL 2131000315798079 मालक-संपादक : शरद लोणकर( mobile-9423508306) sharadlonkarpune@gmail.com - State Committe Member Of Digital Media Editor Journalist Association Maharshtra *1984 पासून पुण्यात पत्रकारिता, *आजीव सभासद - अखिल भारतीय मराठी चित्रपट महामंडळ, *आजीव सभासद - महाराष्ट्र साहित्य परिषद, *पुण्याच्या रस्त्याखाली ३० फुट खोल उतरून पेशवेकालीन भुयारी पाणीपुरवठा यंत्रणेचा प्रत्यक्षात माग काढणारा पहिला पत्रकार म्हणून मान मिळविला ... *स्वातंत्र्य वीर सावरकर यांचे नातू प्रफुल्ल चिपळूणकर हे सारस बागेजवळ भिक्षुकाच्या अवस्थेत दुर्लक्षित जिवन जगत असल्याचे सर्वप्रथम निदर्शनास आणून दिले *इराक मध्ये अडकलेल्या भारतीय मजुरांची सुटका होण्यासाठी विशेष प्रयत्न -लातूर मधील ५ तरुणांची सुटका . *निगडीतील २ महिन्यात दुप्पट पैसे देणाऱ्या सनराईज कन्सल्टन्सी च्या तथाकथित एल टीटीइ हस्तकाचा पर्दाफाश-संबधित फरार https://www.facebook.com/MyMarathiNews/

Share post:

Popular

More like this
Related

पुण्यातील टिंबर मार्केटला भीषण आग; ५० ते ६० दुकाने आगीच्या भक्ष्यस्थानी!

२७ अग्निशमन वाहनांसह १५० जवानांची दोन तास झुंज; रहिवासी...

बाळासाहेबांच्या निधनाचा तो दिवस आजही डोळ्यांसमोर, १४व्या स्मृतिदिनी डॉ. नीलम गोऱ्हे यांनी जागवल्या आठवणी

बाळासाहेब ठाकरे यांच्या १४व्या स्मृतिदिनी पुण्यात अभिवादन, शिवसैनिकांसाठी प्रशिक्षण...

साखळीचोरांशी निर्भयपणे झुंजणाऱ्या सायली घाडगेचे धाडस; तिघांना पकडून दिले पोलिसांच्या ताब्यात!

‘सायलीचा आदर्श सर्वांनी घ्यावा, तिचे धाडस स्त्रीशक्तीचे प्रतीक’ –...