मुंबई : माजी विश्वसुंदरी ऐश्वर्या राय-बच्चनआणि इरफान खान यांच्या मुख्य भूमिका असलेल्या ‘जज्बा’ चित्रपटाचं पोस्टर लाँच करण्यात आलं आहेसंजय गुप्ता दिग्दर्शित ‘जज्बा’ हा चित्रपट क्राईम स्टोरी असल्याचं सांगण्यात येते . गुप्ता यांनी ट्विटरवरुन चित्रपटाचं पोस्टर लाँच केलं. आता तब्बल ५ वर्षांच्या ब्रेक नंतर ऐश्वर्या मोठ्या पडद्यावर दिसणार आहे ‘जज्बा’ चित्रपटात शबाना आझमी, जॅकी श्रॉफ, अतुल कुलकर्णी, अभिमन्यू सिंग यांच्याही भूमिका आहेत. ‘जज्बा’ 9 ऑक्टोबरला प्रदर्शित होणार आहे.विशेष म्हणजे ऐश्वर्याचं बॉलिवूडमधील पदार्पण असलेला ‘और प्यार हो गया’ हा 1997 मध्ये याच तारखेला प्रदर्शित झाला होता..आराध्याच्या जन्मानंतर ऐश्वर्याने ब्रेक घेतला होता. काही जाहिराती आणि फॅशन शोमध्ये ऐश्वर्याचं दर्शन घडलं तरी मोठ्या पडद्यावर तिचे दर्शन होणे बंद झाले होते हृतिकसोबत केलेल्या ‘गुजारिश’ चित्रपटानंतर तब्बल 5 वर्षांच्या अंतराने ऐश्वर्या आता मोठ्ठ्या पडद्यावर पुनरागमन करत आहे.