पुणे:
“महाराष्ट्र कॉस्मोपॉलिटन एजुकेशन सोसायटीच्या “अल्लाना कॉलेज ऑफ आर्किटेक्चर’च्या तीन विद्यार्थ्यांनी सावित्रीबाई फुले पुणे विद्यापीठाच्या “आर्कीटेक्चर पदवी’ परीक्षेमध्ये पहिल्या चार विद्यार्थ्यांमध्ये स्थान मिळविले आहे. यामध्ये शार्वेय सालकर (प्रथम क्रमांक), वैष्णवी मगर (द्वितीय क्रमांक), मारिया दानावाला (चौथा क्रमांक) या विद्यार्थ्यांचा समावेश आहे.
एकाच महाविद्यालयाचे तीन विद्यार्थी “टॉपर्स’मध्ये येण्याचा मान यामुळे “अल्लाना कॉलेज ऑफ आर्किटेक्चर’ ने मिळविला आहे. “महाराष्ट्र कॉस्मोपॉलिटन एजुकेशन सोसायटी’ चे अध्यक्ष पी.ए.इनामदार आणि प्राचार्य लिना देबनाथ यांनी यशस्वी विद्यार्थ्यांचे, प्राचार्य, शिक्षकांचे अभिनंदन केले. याप्रसंगी बोलताना ते म्हणाले, विद्यार्थ्यांचे कठोर परिश्रम हेच त्यांच्या यशाचे श्रेय आहे.