पुणे-कोरेगाव-भीमा प्रकरणातील संभाजी भिडे गुरुजींवरील खोटे आरोप मागे घेण्यासाठी उद्या पुण्यात श्रीशिवप्रतिष्ठान हिंदुस्थानच्या वतीने आयोजित महामोर्चाला पुणे पोलिसांनी परवानगी नाकारली. शनिवारवाडा ते जिल्हाधिकारी कार्यालय असा मोर्चाचा मार्ग होता. परंतु ऐन वेळी पोलिसांनी परवानगी नाकारल्याने मोर्चाचा मार्ग बदलल्याची माहिती श्रीशिवप्रतिष्ठान हिंदुस्थानचे पुणे महानगर कार्यवाह प्रा.पराशर मोने यांनी काही माध्यमांना दिली.
सकाळी 10 वाजता श्रीशिवप्रतिष्ठान हिंदुस्थानचे धारकरी नदीपात्रातील ओंकारेश्वर मंदिराजवळून शनिवारवाडा आणि लाल महालापर्यंत चालत जाणार असल्याचे त्यांनी सांगितले. त्यांनंतर त्यांचे एक शिष्टमंडळ जिल्हाधिका-यांना निवेदन देण्यासाठी जिल्हाधिकारी कार्यालयात जाणार असल्याचे त्यांनी सांगितले.