मुंबई -वयाच्या १० व्या वर्षापासून मॉडेल आणि अभिनय या क्षेत्राशी निगडीत असलेल्या आणि १९८१ मध्ये आलेल्या ‘एक दुजे के लिये’ या हिंदी सिनेमाने प्रसिद्धीच्या अत्युच्च शिखरावर नेवून बसविलेल्या अभिनेत्री रती अग्निहोत्रीने आपल्या वयाच्या ५५ व्या वर्षी नवऱ्याच्या विरोधात कौटुंबीक हिंसाचाराचा गुन्हा दाखल केला आहे. फेब्रु. १९८५ मध्ये रती चे अनिल वीरवाणी यांच्याशी लग्न झाले तनुज नावाचा २८ वर्षाचा मुलगा या दाम्पत्याला आहे .रती आणि अनिल यांचा मुलगा तनुज वीरवानीने नुकतेच २०१३ मध्ये लव्ह यू सोनियो आणि २०१४ मध्ये ‘पुरानी जींस’ द्वारे चित्रपटसृष्टीत पाऊल ठेवले आहे . वरळी पोलिस ठाण्यात हा गुन्हा दाखल करण्यात आल्याचे वृत्त आहे. कलम 350, 323, 506, 498ए अंतर्गत गुन्हा दाखल करण्यात आला आहे. रती अग्निहोत्री यांनी लावलेल्या आरोपांनुसार त्यांचे पती अनिल वीरवानी यांनी 7 मार्च रोजी त्यांना बेदम मारहाण केली.
रती अग्निहोत्री ने केली पती च्या विरोधात कौटुंबीक हिंसाचाराची तक्रार -उद्योजक अनिल वीरवाणी विरोधात गुन्हा दाखल
रती यांनी गुन्हा दाखल केला तेव्हा त्यांनी त्यांच्या हातावर मारहाणीमुळे तयार झालेले व्रणही दाखवले. या संपूर्ण प्रकरणामागचे कारण काय? याचा उल्लेख मात्र तक्रारीमध्ये करण्यात आलेला नाही. सुत्रांनी दिलेल्या माहितीनुसार त्यांच्या पतींचा व्यवसाय सध्या चांगल्या स्थितीत नाही. हे या वादामागचे कारण असू शकते. पोलिसांनी या प्रकरणात चौकशीनंतर कारवाई करण्यात येईल असेस्पष्ट केले आहे . रती यांचे पती अनिल हे आर्किटेक्ट असून ते व्यावसायिक आहेत. रती आणि त्यांच्या विवाहाला 30 वर्षे झाली आहेत.