बारा वर्षाच्या प्रतीक्षेनंतर सिंहस्थ कुंभमेळ्याला आज प्रारंभ
नाशिक –बारा वर्षे प्रतीक्षा असलेल्या सिंहस्थ कुंभमेळ्याची आज, मंगळवारी सकाळी ६ वाजून १६ मिनिटांनी सुरुवात झाली. नाशिकमध्ये मुख्यमंत्र्यांच्या हस्ते तर त्र्यंबकेश्वर येथे केंद्रीय गृहमंत्री राजनाथ सिंह यांच्या हस्ते ध्वजारोहणाने कुंभमेळ्याच्या पावन पर्वाची सुरुवात झाली. मंगळवारी सहा वाजून १४ मिनिटांनी सिंह राशीत गुरूने प्रवेश करताच सिंहस्थ कुंभ पर्वाला प्रारंभ झाला.
त्र्यंबकेश्वर येथे झालेल्या ध्वजारोहण सोहळ्यावेळी हेलिकॉप्टरद्वारे पुष्पवृष्टीही करण्यात आली. या सोहळ्यासाठी ५० किलाे वजनाची पंचधातूची ध्वजपताका तयार करण्यात आली आहे. या पताकेवर गुरू, सूर्य, चंद्र, गाेदावरी व वाहन मगर, दशदिशा, बारा राशी यांसह अाेम ऱ्हीम, स्वस्तिक अशी चिन्हे अाहेत. ध्वजपताकेवर दाेन लाख खर्च झाला अाहे. कुशावर्त तीर्थावर ३१ फूट उंचीच्या खांबावर ही पताका बसवण्यात आली.
या वेळी सर्व आखाड्यांच्या साधू महंतांसह भाविकांची मोठ्या प्रमाणावर गर्दी होती. दर 12 वर्षांनी होणाऱ्या या कुंभ मेळ्याचे सर्वच हिंदु धर्मियांसाठी खास महत्त्व असते. या काळात नाशिकमध्ये स्नानासाठी भावीक आवर्जुन येत असतात.ध्वजारोहण कार्यक्रमाला केंद्रीय गृहमंत्री राजनाथसिंह, केंद्रीय मंत्री श्रीपाद नाईक, मुख्यमंत्री देवेंद्र फडणवीस, अर्थमंत्री सुधीर मुनगंटीवार, ग्राम विकास मंत्री पंकजा मुंडे व सहकार राज्यमंत्री दादा भुसे यांच्यासह अनेक मान्यवरांनी हजेरी लावली. राजनाथसिंह सोमवारी सायंकाळीच शहरात दाखल झाले. गृहमंत्री राजनाथसिंग, पकंजा मुंडे त्र्यंबकेश्वर येथे तर उर्वरित मंत्री नाशिकमधील कार्यक्रमाला हजर आहेत.