नवी दिल्ली – आंतरराष्ट्रीय बाजारपेठेत भाव कमी झाल्याने पेट्रोलचे दर 2 रुपये 41 पैशांनी तर डिझेल दर 2 रुपये 25 पैशांनी कमी झाले आहेत. ऑगस्टपासून दर सहाव्यांदा कमी झाले आहेत.
एकाच महिन्यात डिझेलचे दर दुसऱ्यांदा कमी झाले आहेत. शुक्रवारी मध्यरात्रीपासून हे दर लागू होतील.
सरकारने 18 ऑक्टोबररोजी देशातील तेलकंपन्यांना नियंत्रणमुक्त केले आहे. त्यामुळे त्यांना दरनिश्चितीचे स्वातंत्र्य देण्यात आले आहे. तसेच विनाअनुदानित स्वयंपाकाच्या 14 किलोच्या एलपीजी गॅसचे दर 18.5 रुपयांनी कमी होणार आहेत. गेल्या चार महिन्यात विनाअनुदानित एलपीजी गॅसचेही दर चौथ्यांदा कमी करण्यात आले आहेत.गेल्या दशकभरात पहिल्यांदाच पेट्रोल आणि डिझेलवरील नियंत्रण काढल्याने हे दर कमी झाल्याचे इंडियन ऑइल कॉर्पोरेशनचे जाहीर केले.