पुणे : पतित पावन संघटनेने कोथरूड मतदारसंघातील भारतीय जनता पक्षाच्या उमेदवार मेधा कुलकर्णी यांना शनिवारी पाठिंबा जाहीर केला. पतित पावन संघटनेचे कार्याध्यक्ष सीताराम खाडे व महिला अध्यक्षा अनिता पाटील यांनी कुलकर्णी यांना भेटून पाठिंबा जाहीर केला.
या वेळी पाटील म्हणाल्या, “”कुलकर्णी कार्यक्षम लोकप्रतिनिधी असून, तीनवेळा बहुमताने निवडून आल्यावर नगरसेविका म्हणून अत्यंत चांगले काम करून दाखवले आहे. कोथरूड मतदारसंघाच्या आमदार म्हणून त्या यशस्वी ठरतील.‘‘ खाडे म्हणाले, “”कुलकर्णी यांच्या प्रचारासाठी पतित पावनचे प्रभाग अध्यक्ष संतोष लांडगे, ज्ञानोबा भरेकर, सुधाकर जाधव, संजय येनपुरे, अण्णा बांगर, लहू लोणारे, सतीश लोंढे, सुनील कदम हे कार्यकर्ते सक्रिय सहभाग घेत आहेत.‘‘
वस्ती भाग स्वच्छ ठेवण्याकरिता जन सहभागातून योजना राबवू, असे कुलकर्णी यांनी या वेळी सांगितले. कल्पना पुरंदरे, पुणे शहर उपाध्यक्ष जयंत भावे, प्रशांत हरसुले, मतदारसंघ अध्यक्ष जगन्नाथ कुलकर्णी, सरचिटणीस सोमनाथ गुंड, आशीष पुरंदरे, गणेश पासलकर, मतदारसंघाचे युवा मोर्चा अध्यक्ष रितेश वैद्य, उदय कड व इतर कार्यकर्ते मोठ्या संख्येने उपस्थित होते.