पुणे :आपल्या नाविन्यपूर्ण गृहप्रकल्पांची वेगळी छाप पडणाऱ्या डी. एस. कुलकर्णी
डेव्हलपर्सच्या हडपसर येथील डीएसके ‘वेदांत’ आणि सिंहगड रोड येथील डीएसके विश्व मधील
‘नभांगण’ या गृहप्रकल्पांचा भूमीपूजन सोहळा अनुक्रमे दि.२३ व २४ मे रोजी उत्साहात पार
पडला. मागच्या महिन्यात ‘आधी घर पैसे नंतर रिटर्न्स’ या योजनेत ४ नव्या कोऱ्या
प्रकल्पांचा समावेश करण्यात आला होता. याच ४ प्रकल्पापैकी ‘वेदांत’ आणि ‘नभांगण’चे
भूमिपूजन यावेळी डीएसके परिवाराच्या अनोख्या प्रथेनुसार, गृहप्रकल्पात नोंदणी केलेल्या
सदनिकाधारकांच्याच हस्ते करण्यात आले. यावेळी समूहाचे अध्यक्ष डी. एस.
कुलकर्णी,डीएसके समूहाच्या संचालिका सौ. हेमंती कुलकर्णी आणि सौ. भाग्यश्री कुलकर्णी उपस्थित
होत्या.
या प्रकल्पांविषयी अधिक माहिती देताना ते म्हणाले की, हडपसर येथील ‘वेदांत’ या
गृह्प्रकल्पापासून एअरपोर्ट, रेल्वेस्टेशन, शाळा, मॉल्स, मल्टीप्लेक्स, हॉटेल्स आणि विविध
अत्यावश्यक सुविधा अगदी हाकेच्या अंतरावर आहेत. सध्याच्या तरुणांची विशेषतः आय टी
क्षेत्रात काम करणाऱ्यांची गरज लक्षात घेऊन जिम्नैशियम, क्लब हाऊस, पार्टी लॉंन्स, लहान
मुलांसाठी चिल्ड्रन प्ले एरिया त्याचबरोबर सुशोभित लैन्डस्केपिंग आदी सोयी उपलब्ध करण्यात
आल्या आहेत.
सिंहगड रस्ता परिसरातील निसर्गाच्या सानिध्यात साकारलेला दर्जेदार गृहप्रकल्प हे
या डीएसके ‘नभांगण’ चे वैशिष्ट आहे. डीएसके विश्व मधील ‘नभांगण’ ही सातवी फेज आहे.
त्यामध्ये १२ मजल्याच्या ५ इमारती असून त्यात प्रशस्त २ व ३ बीएचके फ्लॅटची रचना
करण्यात आली आहे. हिरवाईने नटलेल्या शांत व रम्य वातावरणात साकारण्यात आलेल्या या
प्रकल्पामध्ये लहान मुलांसाठी खेळण्याची ऐसपैस जागा, कार्यक्रमासाठी प्रशस्त पार्टी
लॉन यांसारख्या सुखसोयी खास ग्राहकांसाठी आम्ही येथे उपलब्ध करून दिल्या आहेत.
सदनिकाधारकांच्या हस्ते भूमिपूजन करण्याच्या प्रथेबाबत ते म्हणाले की, स्वत: च्या घराचे
भूमिपूजन करण्याची संधी सदनिकाधारकांनाच मिळाल्याचा आनंद नेहमीच आम्हाला लाभत
आला आहे. आपल्या घराच्या जागेचे खरे मालक तुम्हीच आहात मी फक्त कॉन्ट्रॅक्टर आहे.
आज तुमच्याच हस्ते भूमिपूजन केल्यावर मुलीचा साखरपुडा झाल्या सारखे वाटते आहे.
भूमिपूजन झाल्यावर लगेचच कामाला सुरुवात करणे आणि त्याच दिवशी ग्राहकांना घराचा
ताबा देण्याची तारीख सांगणे हे आमचे वैशिष्टय आहे. यानुसार ऑगस्ट २०१८ ला डीएसके
‘वेदांत’ आणि ‘नभांगण’च्या ग्राहकांना घर सुपूर्त करण्यात येणार असल्याची ग्वाही देखील
हेमंती कुलकर्णी यांनी यावेळी दिली.
शांत परिसरात, वेदमंत्रांच्या व सनई- चौघड्याच्या गजरात भूमिपूजन सोहळा मोठ्या दिमाखात
पार पडला. नंतर उपस्थितांनी स्नेह भोजनाचा आस्वाद घेतला.
चौकट
कुठलेही काम चांगले होण्यासाठी सांघिक प्रयत्नांची गरज असते. हीच गोष्ट
मला डीएसके डेव्हलपर्समध्ये प्रकर्षाने जाणवते. या समूहाशी निगडीत असणारी प्रत्येक व्यक्ती
माणुसकीच्या नात्याने एकमेकांशी जोडली आहे आणि आता माझे कुटुंबही या परिवारात
सहभागी होत आहे याचा मला खूप आनंद होतोय असे मत तेथील उपस्थित दांपत्याने व्यक्त
केले.