जागतिक काचबिंदू सप्ताहानिमित्त मुलानी आय केअर सेंटरतर्फे आयोजन
पुणे-जागतिक काचबिंदू सप्ताहानिमित्त पुण्यातील मूलानी आय केअर सेंटरच्या वतीने दि. १६ व १७ मार्च रोजी सकाळी ९ ते २ या वेळेत मोफत नेत्र तपासणी आयोजिली होती. दोन दिवस चाललेल्या या तपासणीमध्ये एकूण २०० पेक्षा अधिक जास्त नागरिकांनी डोळे तपासून घेतले. तसेच या सप्ताहामध्ये काचबिंदू बाबत जनजागृती करण्यासाठी सायकल रॅली काढण्यात आली होती. एमजी रस्त्यावरील मूलानी आय केअर सेंटर येथे ही तपासणी करण्यात आली. या सप्ताहादरम्यान विविध जनजागृतीपर विविध कार्यक्रम आयोजिले होते. यावेळी ज्येष्ठ नेत्ररोग तज्ज्ञ डॉ. अशोक मूलानी, अरुणा कटारा, अमित कटारा आदी उपस्थित होते.
यावेळी बोलताना सेंटरच्या प्रमुख आणि नेत्ररोग तज्ज्ञ डॉ. समिता मूलानी-कटारा म्हणाल्या, “यंदा ११ ते १७ मार्च या कालावधीत जागतिक काचबिंदू सप्ताह राबविण्यात येत असून, मूलानी आय केअर सेंटरच्या वतीने काचबिंदू तपासणी आणि जनजागृती करण्यासाठी सायकल रॅली काढण्यात आली. त्यानंतर दोन दिवसांचे तपासणी शिबीर घेण्यात आले. आज काचबिंदूमुळे अनेक लोकांना अंधत्व आले आहे. भारतात जवळपास सव्वा कोटी लोक काचबिंदूने ग्रासलेले आहेत. पण योग्य काळजी आणि उपचार घेतले तर काचबिंदू सारख्या आजारांना आपण दूर ठेवू शकतो. काचबिंदूची तपासणी नेत्ररोग तज्ज्ञांच्या निगराणी खाली व्हायला हवी.