पुण्यातील संवाद-माध्यमातील आघाडीचे नाव असलेल्या ‘जनसंपर्क मीडिया सर्व्हिसेस’ या संस्थेच्या नूतन कार्यालयाचे अ. भा. चित्रपट महामंडळाचे अध्यक्ष विजय पाटकर यांच्या हस्ते नुकतेच उदघाटन करण्यात आले. याप्रसंगी प्रमुख पाहुणे म्हणून ‘आम्ही मुळशीकर प्रतिष्ठान’चे अध्यक्ष अॅड. गणेश सातपुते उपस्थित होते. तर कार्यक्रमाच्या अध्यक्षस्थानी सकाळ आणि ‘साम’ चे रोव्हिंग संपादक संजय आवटे होते. प्रारंभी ‘जनसंपर्क : मीडिया सर्व्हिसेस’चे मुख्य संचालक रामकुमार शेडगे यांनी प्रमुख पाहुणे तसेच उपस्थितांचे हार्दिक स्वागत केले.
अ. भा. चित्रपट महामंडळाचे अध्यक्ष विजय पाटकर, तसेच अॅड. गणेश सातपुते आणि संजय आवटे यांनी आपल्या भाषणात रामकुमार शेडगे यांच्या जिद्दीचे कौतुक करून त्यांना याप्रसंगी शुभेच्छा दिल्या.
चित्रपट आणि जनसंपर्क माध्यमातील सर्व सेवा पुरविण्याची खास व्यवस्था असलेले हे कार्यालय कोथरूड बसडेपोसमोरील शिवम आर्केड येथे नव्याने सुरु करण्यात आले आहे. याप्रसंगी उद्घाटन कार्यक्रमास पुरुषोत्तम बाबर, चित्रपट निर्माते मच्छिंद्र धुमाळ, अभिनेते निखिल वैरागर, चित्रपट लेखक आबा गायकवाड, नावडकर बंधू, तसेच टी.व्ही मालिका लेखक अभिजित पेंढारकर, सुभाषचंद्र जाधव, श्रीकांत कुलकर्णी, राम झोंड, सचिन लंके, योगेश बारस्कर, अॅड. वाजीद खान, आणि चित्रपटसृष्टीशी संबंधित अनेक मंडळी उपस्थित होती. श्री जितेंद्र वाईकर यांनी कार्यक्रमाचे सूत्रसंचालन केले.