राष्ट्रीय कला अकादमी आणि चतु:शृंगी देवस्थान ट्रस्टच्या वतीने पाडव्यानिमित्त चतु:शृंगी मंदिर परिसरात दीपोत्सवाचे आयोजन केले होते. आमदार माधुरी मिसाळ यांच्या हस्ते उद्घाटन करण्यात आले. परिसरात रंगावली रेखाटन करण्यात आले होते. पाच हजार पणत्या प्रज्वलित करण्यात आल्या. देवस्थानचे विश्वस्त नंदकुमार अनगळ, अकादमीचे अध्यक्ष मंदार रांजेकर, विद्या बँकेचे संचालक महेश ढमढेरे यांची उपस्थिती होती. अनुराधा काडे, योगिनी बागडे, प्रतिक आठणे, श्रेयस उंबरकर, सागर कुलकर्णी यांनी संयोजन केले.