पुणे : मामुर्डी (ता. हवेली) येथील मे. दीपक आईस फॅक्टरीमध्ये 71 हजार 213 युनिट्सच्या 10 लाख 48 हजार
350 रुपयांची वीजचोरी उघडकीस आली आहे. याप्रकरणी रास्तापेठ (पुणे) येथील महावितरण पोलीस ठाण्यात गुन्हा दाखल
करण्यात आला आहे.
याबाबत माहिती अशी, की भोसरी विभाग अंतर्गत मामुर्डी येथील प्लॉट क्र. 371 मधील मे. दीपक आईस फॅक्टरी
हा कारखाना वीजग्राहक शिरीष हिराचंद शाह यांच्या मालकीचा आहे. या कारखान्यातील वीजवापराबाबत संशय निर्माण
झाल्यानेᅠवीजमीटरच्या यंत्रणेची तपासणी करण्यात आली. यात वीजमीटरच्या संचातील सीटी ही वीजयंत्रणा परस्पर व
वीजचोरीच्या हेतूने बदलल्याचे दिसून आले. तसेच त्या ठिकाणची जुनी व फेरफार केलेली सीटी यंत्रणा गायब केल्याचे
आढळून आले. मे. दीपक आईस फॅक्टरीमधील वीजमीटर व सिटी यंत्रणा पंचनामा करून जप्त करण्यात आले आहे. सदर
कारखान्यात 71 हजार 231 युनिट्सच्या 10 लाख 48 हजार 350 रुपयांची वीजचोरी झाल्याचे निदर्शनात आले.
या वीजचोरीप्रकरणी मे. दीपक आईस फॅक्टरीचे मालक शिरीष हिराचंद शाह विरुद्ध बुधवारी (दि. 16 ऑक्टो.)
रास्तापेठ (पुणे) येथील महावितरण पोलीस ठाण्यात भारतीय विद्युत कायदा 2003 नुसार कलम 135अन्वये गुन्हा दाखल
झाला आहे.