सुकर्मा फिल्म्स निर्मिती संस्थेअंतर्गत संजय मेहता निर्मित, उमेश जंगम लिखित आणि आशिष भेलकर दिग्दर्शित स्टोरी हाय पण खरी हाय या मराठी चित्रपटाचे चित्रीकरण मुंबईत वेगाने सुरु आहे, अनेक दिवसांपासून चित्रपटात अनिकेत विश्वासरावच्या नायिकेची भूमिका कोणती अभिनेत्री साकारते याबाबत अनेक शक्यता वर्तवल्या जात होत्या, परंतु अखेर या नाट्यावर पडदा पडला असून चित्रपटात अनिकेतची नायिका म्हणून पूजा सावंतची वर्णी लागली आहे, म्हणजे पुन्हा एकदा ही रोमैंटिक जोडी एका वैविध्यपूर्ण कथानकातुन प्रेक्षकांच्या भेटीला येणार आहे.
याबाबत पूजा सावंत ने आपली पहिली प्रतिक्रया नोंदवितांना सांगितले की, स्टोरी हाय पण खरी हाय..हा खरोखरंच माझ्यासाठी खुप वेगळा विषय असून, या चित्रपटात मला पहिल्यांदाच वेगवेगळया छटा असणारी व्यक्तिरेखा साकारायाला मिळाली आहे. एका चाळ मध्ये सामान्य मुलीपासून ते कोर्पोरेट पर्यंतचा माझा प्रवास यात प्रेक्षकांना पहायला मिळणार आहे, सदर चित्रपटात विषयाचे अनेक पदर असून लेखक उमेश जंगम यांनी ते चपखलपपने मांडले आहे, शिवाय दिग्दर्शक आशिष भेलकर यांचा हिन्दी सिनेमा जगतातील दिग्दर्शनाचा अनुभव या मराठी चित्रपटात काम करतांना सहजपणे दिसून येतो आहे.
अनिकेत विश्वासराव चित्रपटाबाबत सांगतो की, खरतंर हा चित्रपट मी स्वीकारला तो कथानक आणि थरारक शेवट लक्षात घेउन. या चित्रपटात मी इंडस्ट्रीयालिस्टच्या मुलाची भूमिका साकारत आहे, त्याने केलेला संघर्ष, स्वतःच्या ध्येयासाठी केलेली साधना या सर्वातून युवकांना नक्कीच प्रेरणा मिळणार आहे.. एका वाक्यात सांगायाचे झाले तर स्टोरी हाय पण खरी हाय आणि विशेष म्हणजे या चित्रपटातून माझी चॉकलेट हिरोची इमेज मोडीत निघणार आहे, म्हणुनच तुमच्याप्रमाणे मी देखील या चित्रपटाची वाट पहातो आहे.
दिग्दर्शक आशिष भेलकर सांग्तात की, सर्व काही चित्रपटाच्या नावांतच दडलंय.. स्टोरी हाय पण खरी हाय यात प्रत्येक भुमिकेची वेगवेगळी स्टोरी आहे, जी प्रत्येकाच्या दैनदिन जीवनात घडत असल्याने ती खरी आहे म्हणुन आम्ही पुन्हा पुन्हा सांगतोय की स्टोरी हाय पण खरी हाय. चित्रपटात एकुण चार गाणी असून महेश चिनार यांचे संगीत लाभले आहे. शिवाय चित्रपटात वैभव मांगले, आशा शेलार, राजेश भोसले, नम्रता आवटे, नितिन जाधव, योगिनी पोफळे, स्मिता डोंगरे यांच्या प्रमुख भूमिका आहेत.