पुण्याच्या शैक्षणिक क्षेत्रात नाव कमाविलेल्या प्राध्यापक सुहास जोग यांचा मुलगा अभिनेता पुष्कर जोग हा अखेर विवाह बध्द झाला . काल रात्री पुण्यातील शुभारंभ लॉन्स येथे पुष्करने लग्नाचे रिसेप्शन मोठ्या धुमधडाक्यात केले . पुष्करने जिच्याशी लग्न केले आहे ती जस्मिन हि एअर होस्टेस आहे . गुजरातमधील जयेश रावोजीभाई आणि गीता जयेश ब्रम्भार यांची हि कन्या – जस्मिन ची आणि तिची ओळख विमानातच झाली असे म्हणतात आणि बघा विमान प्रवास आता संसारीक प्रवास बनतो आहे . पुष्करचा भाऊ अमोल जोग हा वडिलांची जागा चालवितो आहे तो शैक्षणिक क्षेत्रात प्रगती करतो आहे आणि वडिलांच्या इच्छेनुसार पुष्कर सिनेसृष्टीत वाटचाल करतो आहे . सौरभ गाडगीळ , सुधाकर जाधवर अशी व्यापार -उद्योग आणि शिक्षण क्षेत्रातील नामांकित मंडळी रिसेप्शन ला उपस्थित होती पुष्करने आपल्या लग्नाच्या रिसेप्शन ला सिनेसृष्टीतील सहकाऱ्यांना का बोलाविले नाही हे एक गूढच आहे .
अजय अतुल चे संगीत , महेश कोठारे यांचे दिग्दर्शन असलेला ‘जबरदस्त ‘ तसेच राजू , सत्य ,कांचन अधिकारींचा तुक्या तुकाविला, नाग्या नाचविला ,धूम २ धमाल , सासुच स्वयंवर ,अशा मराठी चित्रपटांबरोबर संजय दत्त बरोबर इ एम आय , इट्स टू मच , डोन्ट वरी बी ह्यापी , गुड्बडी गडबडी अशा हिंदी चित्रपटातून आणि संतोष कोल्हे दिग्दर्शित जल्लोष सुवर्ण युगाचा , तसेच नच बलिये , एकापेक्षा एक अशा टी व्ही शो मधून आपली कारकीर्द रेखाटलेला पुष्कर संसारिक जीवनात आणि फिल्मी जगतात यापुढे आपली कारकीर्द कशी उभी करतो याकडे मराठी रसिक आणि पुणेकरांचे लक्ष लागून राहील . पुष्कर आणि जस्मिन ला आमच्याकडून पुढील वाटचालीस हार्दिक शुभेछ्या …