प्रती,
मा.कुणालकुमार,
आयुक्त.पुणे मनपा.
विषय-कोथरुड मधील खोदाईचे काही प्रातिनिधिक फोटो पाठवत आहे.
1) कर्वे नगर चौक.
2) काकडे सिटी समोर.
3) होटेल निसर्ग समोरची गल्ली.
4) संगम प्रेस ते करिष्मा चौक रस्ता.
5) रेल्वे म्युझियम समोरची गल्ली.
6) शामाप्रसाद मुखर्जी उद्यान,पटवर्धन बाग.
महोदय,यापुढे जेथे खोदाई होइल तेथे कामाचे फलक असतील असे मनपा ने जाहीर केले होते.तसेच खोदाई झालेले रस्ते त्वरित पूर्ववत डांबरीकरण केले जातील असा ही नागरिकांचा समज होता.मात्र ना फलक ना जेथे काम पूर्ण झाले आहे तेथे रस्ता पूर्ववत करण्याचे नियोजन.पुनहा एकदा मनपा चा ढिसाळ कारभार अधोरेखित झाला आहे.खोदाई करणारया विविध कंपन्यांकडुन 6500 रुपये प्रती मीटर येवढी रक्कम स्वीकारल्यानंतर तर मनपा ने लगोलग रस्ते पुनर्डांबरीकरण करणे आवश्यकच आहे.मात्र याबाबत काहीच कार्यवाही दिसुन येत नाही.आता तर एका मोठया मोबाईल कंपनीने सुमारे दीडशे कोटी भरुन खोदाईची परवानगी मागितली आहे.यास साधारण तीन महिन्यापेक्षा जास्त कालावधी झाला असल्याचे ही समजते.मग मनपा ने खोदाई केलेले रस्ते पूर्ववत करण्याचे ही नियोजन/ठेकेदार निश्चिती/टेंडर प्रक्रिया केली असेलच ?? क्रुपया त्याचा तपशील जाहीर करावा व हे खोदलेले रस्ते पूर्ववत कधी होतील याचा ही खुलासा करावा अशी आग्रही मागणी करत आहे.श्री.विवेक खरवडकर यांनी यासंदर्भात घोषणा केली होती व त्यास वृत्तपत्रात ही प्रसिद्धी मिळाली,
मात्र मनपा च्या बहुतांश घोषणा हवेत्च विरतात,आरंभशूर अशीच आता मनपा ची ख्याती आहे.
(याविषयी येत्या दोन दिवसात आपणास एक खुले पत्र पाठवेन) तोपर्यंत वरील मुद्द्यांचा खुलासा करावा ही विनंती.
आपला,
संदीप खर्डेकर.
अध्यक्ष,क्रीएटिव्ह फौंडेशन.
मो-9850999995
9823052596
