नवी दिल्ली-‘भाजप सोड, नाहीतर परिणाम भोगायला तयार राहा. नरेंद्र मोदीही तुला वाचवू शकणार नाहीत’, अशा धमकीचा फोन भाजपचे प्रवक्ते शाहनवाज हुसेन यांना दुबईहून आल्यानं त्यांचे कुटुंबीय, समर्थक हादरले असून पक्षनेत्यांमध्येही काळजीचा सूर ऐकू येतोय. या फोनसंदर्भात हुसेन यांनी संसद मार्ग पोलीस स्टेशनात तक्रार दाखल केली आहे.
दुबईतील एका नंबरवरून शनिवारी रात्री साडेअकराच्या सुमारास आपल्याला दोन फोन आले. तेव्हा आपण पाटण्याहून दिल्लीत पोहोचलो होतो आणि विमानतळावरून घरी जात होतो. पलीकडची व्यक्ती अत्यंत अर्वाच्य भाषेत बोलत होती. विविध वाहिन्यांवरून मोदी सरकारचं समर्थन केल्याबद्दल त्यानं शिवीगाळ केली आणि भाजप सोडण्याची धमकी दिली, असं शाहनवाज हुसेन यांनी तक्रारीत म्हटलं आहे. पक्षातून बाहेर न पडल्यास मोदीही वाचवू शकणार नाहीत, असंही त्यांना बजावण्यात आलंय.
या तक्रारीची गंभीर दखल घेऊन तपास सुरू करण्यात आला आहे, अशी माहिती वरिष्ठ पोलीस अधिकाऱ्यांनी दिली. हा फोन नेमका कुणी केला असावा, यावरून वेगवेगळे कयास बांधले जात आहेत.
भाजप सोडण्यासाठी हुसेन यांना दुबई मधून धमकी
Date:
More like thisRelated
पुणे महानगर परिवहन महामंडळाच्या चऱ्होली आणि माण ई- बस डेपोचे उपमुख्यमंत्री अजित पवार यांच्या हस्ते उद्घाटन
नागरिकांना उत्तम वाहतूक सेवा देण्यासाठी राज्य शासन प्रयत्नशील -उपमुख्यमंत्री...
बारामतीच्या शासकीय नर्सिंग महाविद्यालयास प्रथम मान्यता मंजूर;येत्या शैक्षणिक वर्षापासून ‘बीएससी नर्सिंग’ची प्रवेशप्रक्रिया सुरू होणार
उपमुख्यमंत्री अजित पवार यांच्या नेतृत्वाखालीबारामतीच्या शिरपेचात आणखी एक मानाचा...
उपमुख्यमंत्री अजित पवार यांच्या हस्तेदापोडी पोलिस ठाण्याच्या नवीन इमारतीचे उद्घाटन
पुणे, दि. 25: पिंपरी चिंचवड पोलिस आयुक्तालयाच्या हद्दीतील दापोडी...
उपमुख्यमंत्री अजित पवार यांच्या हस्ते बावधन पोलीस ठाण्याच्या नूतन इमारतीचे लोकार्पण
पुणे, दि.२५: उपमुख्यमंत्री तथा जिल्ह्याचे पालकमंत्री अजित पवार यांच्या...