पुणे :‘वनराई’ पुणे च्या वतीने ‘शाळा नूतनीकरण आणि सुधारणा : मॉडेल स्कूल’ या प्रकल्पांतर्गत जिल्हा पंचायत शाळांतील सुधारणा व नूतणीकरण प्रकल्प राबविण्यात येणार आहे. या प्रकल्पाची सुरूवात गुजरातमधील भरूच येथील जिल्हा पंचायत संचलित ’नवा पूनगाम प्राथमिक शाळे’पासून होणार आहे. बुधवार, दिनांक 27 सप्टेंबर 2017 रोजी सकाळी 11 वाजता या प्रकल्पाचा शुभारंभ होणार आहे. मिलिंद तलाठी (उत्पादन संचालक ‘एलांटास बेक इंडिया लि.’) यांच्या हस्ते आणि ’वनराई’चे प्रमुख रवींद्र धारिया यांच्या अध्यक्षतेखाली प्रकल्पाचे उद्घाटन होणार आहे, अशी माहिती वनराई सीएसआर प्रकल्प संचालक प्रकाश जगताप यांनी दिली.
या प्रकल्पातंर्गत भरूच येथील जिल्हा पंचायत संचलित नवा पूनगाम प्राथमिक शाळेतील जेवणालयाची उभारणी व शेड घालणे, 8 वर्ग खोल्यांची सुधारणा, 2 वर्ग खोल्यांचेvनव्याने बांधकाम, शाळेबाहेरील परिसरातील मोकळ्या अंगणात फरशी बसविणे अशा प्रकरची कामे करण्यात येणार आहेत.
’वनराई’चे मागील वर्षीपासून‘एलांटास बेक इंडिया लि.’बरोबर पुरंदर तालुकामधील भिवरी गावातील शाळांमध्ये नूतणीकरण, शाळांचा दर्जा सुधारण्याचे काम, शाळांमध्ये ई-लर्निंग सुविधा, शौचालय बांधणी अशा प्रकारच्या सुधारणांचे काम करणे चालू आहे. सदरचा प्रकल्प तीन वषार्र्ंचा आहे. या प्रकल्पाच्या कामाची प्रगती पाहून ‘एलांटास बेक इंडिया लि.’ कंपनीचे व्यवस्थापकीय संचालक रवींद्र कुमार यांनी ‘वनराई’ला गुजरातमध्ये हा प्रकल्प राबविण्यास प्रोत्साहन दिले. लोकांचा खासगी शाळांपेक्षा जिल्हा पंचायत शाळांकडे बघण्याचा दृष्टिकोन वेगळा असतो. जिल्हा पंचायत शाळांमध्ये मुक्तसंचार शिक्षणपद्धती असते. परंतु या शाळांमध्ये नूतणीकरण केल्यास, काही सुधारणा झाल्यास बघणार्‍यांची मानसिकता बदलून या शाळांचा दर्जा वाढण्यास मदत होईल, हा या प्रकल्पाचा प्रमुख हेतू आहे. या प्रकल्पाचा कालावधी 7 महिने इतका आहे.
भरूच जिल्ह्यातील अंकलेश्वर तालुकाजवळील जिल्हा पंचायत संचलित ‘नवा पूनगाम प्राथमिक शाळा’ आहे. शाळा पहिली ते आठवी इयतेपर्यंत आहे. शाळेत एकूण 150 विद्यार्थी शिकत आहेत. ‘ऑईल अ‍ॅण्ड गॅस कार्पोरेशन लि.’ (गुजरात) मधील कामगारांची मुले या शाळेत शिक्षण घेत आहेत. काही मुलांची परिस्थिती अतिशय बेताची तर काहींची बरी अशा स्तरातील विद्यार्थी आहेत. शाळेतील शिक्षणाचा दर्जा चांगला आहे, परंतु त्यांना योग्य सोयी-सुविधा मिळाल्यास त्याचा फायदा विद्यार्थ्यांना होणार आहे. गुजरातमधील एकूण 6 जिल्हा पंचायत शाळांचा सर्व्हे ‘वनराई’च्या वतीने करण्यात आला, त्यातील दोन शाळा या प्रकल्पासाठी निवड्यात आल्या आहेत. ‘नवा पूनगाम प्राथमिक शाळे’ पासून 27 सप्टेंबरपासून या प्रकल्पास प्रारंभ करण्यात येत आहे, असे जगताप यांनी सांगितले.
या कार्यक्रमाला ‘वनराई’चे रवींद्र धारिया, शिरीष डबीर (एव्हिपी एचआर, सचिव, एलांटास), सीमा अंकलकर (उपव्यवस्थापक), सुधीर मेकल (मुख्य वित्त अधिकारी, वनराई), प्रकाश जगताप (वनराई सीएसआर प्रकल्प संचालक), जिल्हा पंचायत प्राथमिक शिक्षण विभागाचे शिक्षणाधिकारी, गोमीबेन वरसावा (नवा पुनगामच्या सरपंच), मदनभाई वरसावा (जिल्हा पंचायत सदस्य), भरतभाई पटेल (तालुका पंचायत सभापती, अंकलेश्वर) ग्रामस्थ व विद्यार्थी मोठ्या संख्येने उपस्थित राहणार आहेत.
