पुणे-खासदार वंदना चव्हाण यांनी स्माईल संस्थेतर्फे मागील दोन अतिशय यशस्वी झालेल्या ‘चेंजमेकर्स’ अर्थात
‘परिवर्तनाचे दूत’ या स्पर्धेच्या तिसऱ्या पर्वाची सुरुवात आज केली.
आजपासून सहा महिने ५ महिला कार्यकर्त्यांनी स्वतःच्या परिसरात १०० घरांमध्ये असणाऱ्या प्रश्नांची नोंद करून त्यावर
उत्तरे शोधायची आहेत व त्यातून परिवर्तन घडवून आणावयचे आहे. स्माईल संस्थेतर्फे आज प्लास्टिक बंदीवर उत्तर म्हणून
कागदी पिशव्या शिकवण्यात आल्या. प्रत्येक महिलेने आज कागदाच्या ५ पिशव्या तयार केल्या. यामुळे होणारे बदल
लवकरच स्वच्छ, सुंदर पुणे व पर्यावरणपूरक वस्तूंचे पर्यायी वापर अशा गोष्टींमध्ये दिसून येतील. महिलांना शिकण्याची
व शिकवण्याची संधी स्माईलने या स्पर्धेतून दिली आहे.
या स्पर्धेचे तपशील स्माईलच्या ऑफीसमध्ये तसेच चेंजमेकर्सच्या व स्माईलच्या फेसबुकपेजवर उपलब्ध करून देण्यात आले आहेत .