पुणे- पुणे महापालिका हद्द आणि आसपासच्या देखील सर्व सोसायट्यांच्या नावे जागा होण्यासाठी बिल्डरकडून अभिहस्तांतरणाची कार्यवाही त्वरेने करून देणार असल्याची माहितीएकनाथ शिंदेंच्या नेतृत्वाखालील बाळासाहेबांची शिवसेना या पक्षाचे उप शहर प्रमुख सुधीर शंकरराव कुरुमकर यांनी प्रसिद्धी पत्रकाद्वारे कळविले आहे.
ते म्हणाले, अनेक सोसायट्यांचे डीम्ड कान्वेंस म्हणजेच अभिहस्तांतरणाची प्रक्रिया पूर्ण न झाल्याने सोसायटीची जागा बिल्डरच्याच नावे राहते आणि अशा सोसायट्यांना पुनर्विकास किंवा अन्य अनेक कामासाठी अडचणी चा सामना करावा लागतो , आमच्या पक्षातर्फे अशा सोसायट्यांचे प्रश्न मार्गी लावण्यात येणार असून सर्वांचीच अभिहस्तांतरणाची प्रक्रिया पूर्ण करून देण्यासाठी कार्यवाही सुरु करण्यात येते आहे. सर्व सोसायट्यांना कायदेशीर तसेच तांत्रिक मदत मोफत केली जाणार आहे , इच्छुकांनी जनसंपर्क कार्यालय : नियोजित शिवसेना भवन, कुरुमकर बिल्डींग, ९८६ शुक्रवार पेठ,सर्स्बागेसमोर,पुणे २ (मोबाईल-9112048111) येथे संपर्क साधावा असे आवाहन देखील उप शहर प्रमुख सुधीर कुरुमकर यांनी केले आहे.
