पुणे-नगरसेवक महेश वाबळे व विनायक भोसले यांच्या प्रयत्नातून भारती विद्यापीठा मागीलत्रिमूर्ती चौक परिसरातील ईच्छापुर्ती गणपती मंदिरा समोरील वंसुधरा गर्ल्स हाँस्टेल इमारती मध्ये अद्ययावत कोव्हिड सेंटर उभारण्याची तयारी अंतिम टप्प्यात असून उद्या शनिवार पासून नागरिकांच्या सेवेसाठी सुरू होत आहे. यासाठी डॉ. भुषण लाळगे, डॉ. अजीत डेंगळे, डॉ. अक्षय देशमुख, डॉ. ओंकार सहाणे, डॉ. शहबाज शेख यांचे सहकार्य लाभल्याचे वाबळे यांनी सांगितले. याठिकाणी ३० आयसोलेशन बेड व ३० आँक्सीजन बेड ची व्यवस्था करण्यात आली आहे.
शहरासह उपनगरात कोरोनाचा प्रकोप सुरू आहे. गेल्या काही दिवसांपासून कोरोनाचा प्रसार वेगाने वाढत आहे. मागील दोन आठवड्यात महापालिका आणि खाजगी रुग्णालयात उपचारासाठी दाखल होत असलेल्या कोरोना बाधितांना बेड्स उपलब्ध होत नाही. आँक्सीजन बेड शोधताना रुग्णांच्या नातेवाईकांची दमछाक होत आहे. अत्यवस्थ रुग्णांना आँक्सीजन बेड साठी अँमब्लुलन्स मध्येच चार पाच तास ताटकळत राहवे लागत आहे. त्यामुळेच हा छोटासा प्रयत्न असल्याचे वाबळे म्हणाले .