पुणे दि 22:जिल्हयात वाढत्या नागरीकरणामुळे गावांमध्ये घनकचरा समस्या निर्माण होत आहे. यासाठी जिल्हा परिषद, स्वच्छ भारत मिशन अंतर्गत गावस्तरावर शाश्वत घनकचरा व सांडपाणी व्यवस्थापन करुन गावे हागणदरीमुक्त प्लस करण्यात येणार आहे. यासाठी जिल्हयातील सर्व गावांमध्ये स्थानिक भौगोलिक परिस्थितीनुसार घनकचरा व सांडपाणी व्यवस्थापनाचे प्रकल्प कार्यान्वीत करण्यात येणार आहे. यामध्ये कचरा संकलन, कचरा वाहतूक, कचरा वर्गीकरण व कचऱ्यावर पारंपरिक व आधुनिक तंत्रज्ञानाव्दारे प्रक्रीया करुन विविध उत्पादने तयार करुन त्याची विक्री करण्याचे नियोजीत आहे.
याकरिता याक्षेत्रात काम करणारे व्यक्ती, संस्था, सेवाभावी संस्था (NGO) यांचेकडून आधुनिक तंत्रज्ञान विषयक सहकार्य व शास्त्रोक्त मार्गदर्शन घेण्यात येणार आहे. तसेच घनकचरा व्यवस्थापनशी संबंधीत उत्पादीत उपकरणांचा वापर करण्यात येणार आहे. यासाठी घनकचरा व्यवस्थापनशी संबंधीत उपकरणे उत्पादक, विक्रेते यांचेकडील उपकरणाची माहीती घेण्यात येणार आहे.
यासाठी घनकचरा व्यवस्थापन क्षेत्रात काम करणारे करणारे व्यक्ती, संस्था, सेवाभावी संस्था (NGO) यांनी त्यांचेकडे असलेले तज्ञ व्यक्तींची माहीती व त्याचे सादरीकरण तसेच घनकचरा व्यवस्थापनशी संबंधीत उत्पादीत करणारे उपकरणे उत्पादक कंपनी, विक्रेते यांनी त्यांचेकडील उत्पादीत उपकरणाची सविस्तर माहीती, दर, वापर, तंत्रज्ञान, उपयोग ई ची माहीती असलेले माहीती पत्रक, व याबाबत माहीती सांगणारे तज्ञ व्यक्तीचे नाव त्यांचा संपर्क क्रमांकसह माहीती दिनांक २४ मे २०२१ सांय. ५.०० वाजता पर्यंत संबंधीतांनी त्यांचेकडे असलेली माहीती nbazppune@gmail.com या इमेल व स्वच्छ भारत मिशन (ग्रा) कक्ष, पुणे जिल्हा परिषद, डॉ. बाबासाहेब आंबेडकर रस्ता, कँप पुणे ०१ या पत्यावर व त्यांचे सादरीकरण सादर करावे, असे आवाहन जिल्हा परिषदेच्या अध्यक्षा निर्मलाताई पानसरे, मुख्य कार्यकारी अधिकारी आयुष प्रसाद यांनी केले आहे. तसेच प्राप्त माहीतीच्या आधारे संबंधीतांचे तंत्रज्ञान जिल्हयातील गावांमध्ये राबविले जाणार असल्याचे उपमुख्य कार्यकारी अधिकारी मिलिंद टोणपे यांनी दिलेल्या प्रसिद्धी पत्रकात म्हटले आहे.
