पुणे, 6 फेबुवारी 2021: प्रविण झिटे यांच्या तर्फे व पुणे मेट्रोपॉलिटन जिल्हा टेनिस संघटना(पीएमडीटीए) व आयकॉन यांच्या संलग्नतेने आयोजित 8,10, वर्षाखालील मुले व मुलींच्या गटातील पहिल्या पीएमडीटीए-आयकॉन लिटिल कुमार चॅम्पियनशिप सिरिज 2021 स्पर्धेत 10 वर्षाखालील मुलांच्या गटात सर्वज्ञ सरोदे, नील बोन्द्रे, शौर्य गदादे या खेळाडूंनी आपापल्या प्रतिस्पर्ध्यांचा पराभव करून आगेकूच केली.
एमएसएलटीए स्कुल ऑफ टेनिस, म्हाळुंगे बालेवाडी येथे आजपासून सुरु झालेल्या या स्पर्धेत 10 वर्षाखालील मुलांच्या गटात दुसऱ्या फेरीत अव्वल मानांकित सर्वज्ञ सरोदे व सातव्या मानांकित शौर्य गदादे यांनी अनुक्रमे वेदांग गायकवाड व लव परदेशी यांचा 5-0 अशा सारख्याच फरकाने पराभव केला. पुण्याच्या नील बोन्द्रे याने यशवंतराजे पवारचा 5-3 असा पराभव करून तिसरी फेरी गाठली. 8 वर्षांखालील मुलींच्या गटात उपांत्यपूर्व फेरीत अव्वल मानांकित सारा फेंगसे हिने देवेशील पडियावर 5-1 असा सहज विजय मिळवला. दुसऱ्या मानांकित श्रावि देवरेने रुद्रमा सिंगचा 5-0 असा एकतर्फी पराभव केला.
स्पर्धेचा सविस्तर निकाल: 8 वर्षाखालील मुले: पहिली फेरी :वीर गायकवाड वि.वि.शर्विल सस्ते 5-3;देव मूर्थी वि.वि.अहाण जैन 5-0;कबीर गुंडेचा वि.वि.अर्जित बावस्कर 5-1;यशवंतराजे पवार वि.वि.यश माने 5-1;
8 वर्षांखालील मुली: उपांत्यपूर्व फेरी:सारा फेंगसे(1) वि.वि.देवेशील पडिया 5-1;अनुष्का जोगळेकर(3) वि.वि.आयूशी तरंगे 3-0(सामना सोडून दिला);श्रावि देवरे(2) वि.वि.रुद्रमा सिंग 5-0.
10 वर्षाखालील मुले: दुसरी फेरी:सर्वज्ञ सरोदे(1) वि.वि.वेदांग गायकवाड 5-0;शौर्य गदादे(7) वि.वि.लव परदेशी 5-0;अयांश पॉल वि.वि.अवनीश परब 5-1;नील बोन्द्रे वि.वि.यशवंतराजे पवार 5-3.
