पुणे-राज्य सरकारने १२० कोटी रुपयांची तरतूद करूनही ससून रुग्णालयाच्या बहुमजली इमारतीचे काम का खोळंबले? यात दोषी कोण ? असे सवाल करत तातडीने हे काम पूर्ण करा अशी मागणी संभाजी ब्रिगेड ने केली आहे . या संदर्भात आज ससून अधिष्ठाता अजय चंदनवाले व सा. बां. विभागाचे मुख्य अभियंता किडे यांच्याकडे निवेदनाव्दारे तक्रार केली आहे.अशी माहिती ब्रिगेडचे संतोष शिंदे यांनी येथे दिली .
संतोष शिंदे यांनी सांगितले कि, ससून सर्वोपचार रूग्णालयातील ११ मजली (बहूमजली) नवीन इमारतीचे काम दोन वर्षापासून खडलेले आहे. राज्य सरकारने १२० कोटी रूपये मंजूर करून मागील दोन वर्षापासून काम बंद आहे. सन २०१६-१७ मध्ये 62 कोटी तर २०१७-१८ मध्ये १६ कोटी रूपये बजेट आले. स्थापत्य कामाची गरज असताना… अंतर्गत खोडसाळपणामुळे विद्युतचे काम सुरू केले. सदर कामावर आजपर्यंत 7० कोटी रूपयांचे आतील Civil work व 20 कोटी रूपयांचे Elitrical Work या कामावर पैसे खर्च झालेले आहेत. परंतु काम बंद असल्यामुळे झालेल्या कामाची पडझड सुरू आहे. तरीही याकडे कोणतेही ही गांर्भियाने घेत नाही.
सार्वजनिक बांधकाम विभाग दोन वर्षात निविदा प्रक्रिया पुर्ण करू शकलेला नाही. म्हणून सरकार कडून उपलब्ध अनुदान मिळून सुध्दा अधिकाऱ्यांच्या गलथान कारभारामुळे व निविदा प्रक्रिये अभावी काम रखडलेले आहे. यामुळे सामान्य गरीब नागरिकांचे प्रचंड हाल होत आहेत. रूग्णांना वार्डमध्ये जागा कमी पडत असल्यामुळे नागरिकांना (रूग्णांना) खाली जमिनीवर टाकले जाते… आणि अर्धवट बहूमजली इमारत पडून आहे.
‘११ मजली इमारत सामान्य रूग्णाला महत्त्वाची असून पिडीत व वंचितांना त्याचा फायदा झाला पाहिजे… म्हणून निवेदनाव्दारे तक्रार केली आहे.
११ मजली (बहुमजली इमारत) दोन वर्षापासून अर्थवट कामामुळे पडून आहे… राज्यसरकारचे ११० कोटी रूपये पाण्यात… दोषींवर कारवाई करा…! याबाबत आम्ही राज्यपाल व मुख्यमंत्री यांच्याकडे ही पाठपुरावा करणार आहोत… असेही शिंदे यांनी सांगितले .
