पुणे- पहाटे चार वाजून वीस मिनिटांनी लकडी पूल येथे श्रीमंत दगडूशेठ हलवाई गणपतीचे विसर्जन झाले. महापौर मुक्ता टिळक आणि सभागृहनेते श्रीनाथ भिमाले यांनी श्रीमंतांची आरती करून त्यांच्या नयनरम्य मनोहारी रथाचे सारथ्य केले ..गोपाल चिंतल ,सुशील मेंगडे,उमेश गायकवाड आदी नगरसेवक यावेळी त्यांच्या समवेत होते .
… नेहमीपेक्षा यावर्षी दगडूशेठ गणपती मंडळाची विसर्जन मिरवणूक जवळपास चार तास आधी सुरु झाली होती… दरवर्षी दगडूशेठ गणपतीला मिरवणुकीत सहभागी होण्यासाठी रात्रीचे दोन वाजतात… मात्र यंदा दगडूशेठच्या पुढे असलेल्या गणेश मंडळांना, ती मंडळे डीजे वापर करत असल्या कारणानं लक्ष्मी रस्त्यावर आले नसल्याचं दिसलं… त्यामुळे दगडूशेठ गणपतीचं यंदा त्यामानानं लवकर विसर्जन झालं…
तर पुण्यातल्या अलका टॉकीज चौकात ढोल-ताशा पथकांचा, गणेशोत्सव मंडळांचा उत्साह कायम असल्याचं दिसून आलं.
श्रीमंत दगडूशेठ हलवाई गणपतीची शाही मिरवणूक सजवलेल्या रथामध्ये विराजमान बाप्पांची छबी टिपण्यासाठी पुणेकरांसह राज्यातील इतर भागातून आलेल्या भाविकांची गर्दी झाली होती. श्रीमंत दगडूशेठ गणपतीच्या विसर्जनासाठी भव्य रथ तयार करण्यात आला होता. विवेक खटावकर यांनी साकारलेल्या ‘श्री विश्वविनायक’ रथातून दगडूशेठ हलवाई गणपतीची मिरवणूक काढण्यात आली. अतिशय मनमोहक नक्षींनी हा रथ सजवण्यात आला होता. मोती रंगाच्या २७ हजार दिव्यांनी उजळलेला हा रथ डोळे दिपावणारा होता. त्यावर रंगीबेरंगी कोरीवकाम केलेले ५ कळस बसविण्यात आले होते. तसेच, २२५ आकर्षक झुंबर रथावर लावण्यात आले होते.
लक्ष्मी रस्त्यांवर नेहमीप्रमाणे आकर्षक देखावे असलेले चित्ररथ आणि ढोलपथकांच्या तालावर काढण्यात आलेल्या मिरवणुका पाहायला मिळाल्या. संध्याकाळपर्यंत मानाच्या गणपतींचे विसर्जन पार पडल्यानंतर अन्य सार्वजनिक मंडळांचे गणपती विसर्जनासाठी मंडपातून बाहेर पडले. तेव्हा रस्त्यांवर आकर्षक रोषणाई केलेले चित्ररथ पाहायला मिळाले. पुणेकरांसह राज्यभरातून आलेल्या लोकांनी हे गणपती पाहण्यासाठी नेहमीप्रमाणे चौका-चौकात गर्दी केली होती. आज सकाळपर्यंत ही लगबग सुरु होती.
पहा हा व्हिडीओ
