शांताबाई फेम संजय लोंढे यांना मदतीचा हात
पुणे-राज्य सरकारने लोककलावंत आणि पडद्यामागचे तंत्रज्ञ व कलाकार यांच्यासाठी मदतीचा हात पुढे करावा व त्यांच्यासाठी पॅकेज जाहीर करावे असे मत भाजप प्रदेशाध्यक्ष आ.चंद्रकांतदादा पाटील यांनी व्यक्त केले.शांताबाई ह्या गाण्यामुळे महाराष्ट्रातील घराघरात पोहोचलेले कलावंत संजय लोंढे यांना क्रिएटिव्ह फौंडेशनच्या वतीने सारंगशेठ राडकर व संदीप खर्डेकर यांनी चंद्रकांतदादां च्या हस्ते किराणा व अन्य मदत दिली त्याप्रसंगी त्यांनी हे मत व्यक्त केले.माझ्यासारख्या अनेक कलावंतांची परवड होत असून मी गणेशोत्सवासाठी काही गाणी शब्दबद्ध केली होती मात्र आता सर्व उत्सव रद्दबातल झाले आहेत व लॉकडॉउन मुळे उत्पन्नाचे सर्व मार्ग बंद झाले आहेत.अश्या परिस्थितीत संदीप खर्डेकर,सारंग राडकर व क्रिएटिव्ह फौंडेशनने केलेली मदत अमूल्य असल्याचे ही संजय लोंढे म्हणाले.
महापौर मुरलीधर मोहोळ यांनी ही लोककलावंत व पडद्यामागील कलाकार तंत्रज्ञ यांना मदत देण्याचा प्रयत्न करु असे सांगितले.