पुणे-श्रीमंत नानासाहेब पेशवा हे आधुनिक पुण्याचे निर्माते होते व खऱ्या अर्थाने स्मार्ट पुण्याची मुहूर्तमेढ त्यांनीच रोवली या शब्दात क्रिएटिव्ह फौंडेशन चे अध्यक्ष संदीप खर्डेकर यांनी नानासाहेबांना आदरांजली अर्पण केली.आज तिथीने नानासाहेब पेशवा यांची पुण्यतिथी – यानिमित्ताने कोथरूडच्या मृत्युंजय मंदिरात आयोजित छोटेखानी कार्यक्रमात देवदेवेश्वर संस्थान च्या सर्व मंदिरांसाठी आधुनिक हॅंड सॅनिटायझर यंत्र भेट देण्यात आली त्याप्रसंगी ते बोलत होते.
यावेळी देवदेवेश्वर संस्थान चे प्रमुख विश्वस्त सुधीर पंडित,प्रसिद्ध बांधकाम व्यावसायिक अमोल रावेतकर,नगरसेविका मंजुश्री खर्डेकर,नगरसेविका माधुरीताई सहस्त्रबुद्धे,भाजपच्या कोथरूड मंडलाच्या महिला मोर्चा अध्यक्ष हर्षदा फरांदे,गौरीताई करंजकर,सुवर्णाताई काकडे,माणिकताई दीक्षित,जयश्रीताई तलेसरा,अपर्णाताई लोणारे,श्रीपाद गोहाड,सुमीत दिकोंडा इ पदाधिकारी उपस्थित होते.
बालाजी बाजीराव तथा नानासाहेब पेशवा यांनी नाना पेठ,सोमवार पेठ,शनिवार पेठ,बुधवार पेठ अश्या पेठा उभारतानाच लाकडी पूल,कात्रज तलाव,पर्वती देवस्थान यासह अनेक प्रकल्पांची उभारणी केली.खऱ्या अर्थाने आधुनिक पुण्याची निर्मिती त्यांच्याच काळात झाली व त्यांच्या कारकीर्दीत मराठेशाहीने उत्तुंग उंची गाठली असेही संदीप खर्डेकर म्हणाले.अश्या या महान विभूतीस आदरांजली अर्पण करण्यासाठी त्यांनी उभारलेल्या सर्व मंदिरात आज यंत्र भेट देताना मनस्वी आनंद होत आहे असे बांधकाम व्यवसायिक अमोल रावेतकर म्हणाले.सामाजिक बांधीलकीच्या जाणीवेतून नगरसेविका मंजुश्री खर्डेकर आणि क्रिएटिव्ह फौंडेशनच्या सहकार्याने हा उपक्रम राबविण्यात येत आहे असेही श्री.रावेतकर यांनी स्पष्ट केले.
नानासाहेबांच्या पुण्यतिथीदिनी मी सर्वांचे स्वागत करताना आणि कृतज्ञता व्यक्त करताना आपल्या कोरोनाच्या संकटातून लवकरच मुक्ती मिळो आणि मंदिरे भाविकांसाठी उघडली जावी हीच प्रार्थना करत असल्याचे देवदेवेश्वर संस्थान चे मुख्य विश्वस्त सुधीर पंडित म्हणाले.मंदिरे उघडण्यास परवानगी मिळाल्यावर भाविकांच्या गर्दीवर नियंत्रण ठेवताना सोशल डिस्टिंसिंग रहावे आणि मंदिर परिसर व वैयक्तिक स्वच्छतेचा जागर व्हावा यासाठी ही भेट उपयुक्त ठरेल असेही ते म्हणाले.
यावेळी नगरसेविका मंजुश्री खर्डेकर,माधुरीताई सहस्त्रबुद्धे आणि हर्षदाताई फरांदे यांनीही मनोगत व्यक्त केले.