पुणे – हिंदुस्थानी जवानांवर चीनने केलेल्या भ्याड हल्ल्याचा शिवसेना पुणे शहराच्यावतीने आज, गुरुवारी निषेध करण्यात आला. संतप्त शिवसैनिकांनी चायना मोबाईल, टिव्ही फोडून, चीनचा राष्ट्रध्वज जाळला. तसेच चीन विरोधात जोरदार घोषणाबाजी करण्यात आली.
आंदोलन प्रसंगी शिवसेना पुणे शहरप्रमुख संजय मोरे, माजी शहरप्रमुख रामभाऊ पारिख, नगरसेवक विशाल धनवडे, विधानसभा प्रमुख योगेश मोकाटे, अभय वाघमारे, आनंद गोयल, बाळासाहेब मालुसरे, गजानन पंडित, विभाग प्रमुख उत्तम भुजबळ, राहुल जेकटे, अनिल दामजी, राजेंद्र शहा, राजेश मोरे, प्रविण डोंगरे, चंदन साळुंखे, सनी गवते, अजय परदेशी, रिजवान शेख, विजय नायर, नितीन निगडे, महिला आघाडीच्या सुदर्शना त्रिगुणाईत, रोहिणी कोल्हाळ, संदिप गायकवाड, नितीन शिंदे, आनंद घरत, बाळासाहेब गरुड, संदीप गायकवाड, युवराज पारिख, परेश खांडके, राजेश मुप्पीड, सुरेश झोळ, बाळासाहेब मोडक, मानव शहा, आदित्य ठाकूर, धनंजय जवळेकर, योगेश होळकर, परवेश राव, फरीद शेख, शफीक मेमन, ईस्माईल शेख, जावेद शेख, ईम्तियाज शेख, सत्यजित कवडे, सुनील परिहार, मनोज यादव, गौरव सिन्नरकर, हर्षद ठकार, मुकेश दळवे, धनंजय नागवडे, योगेश खेंगरे, रवी निंबाळकर, निलेश ढवळे, नीलेश राऊत, समीर कोतवाल, व अनेक शिवसैनिक उपस्थित होते.
चीनने भ्याड पध्दतीने हल्ला करून आपले जवान मारले आहेत. त्याचा बदला घेण्यासाठी देशवासीयांनी चीनच्या वस्तूंविरोधात बहिष्कार घालावा, असे आवाहन संजय मोरे यांनी केले.
तर, आमचे नेते संजय राऊत यांनी पंतप्रधान नरेंद्र मोदी यांना ठोस निर्णय घेण्याचे आवाहन केले आहे. त्यांच्याबरोबर संपूर्ण देश आहे. 56 इंच छाती दाखवून आता चीन विरोधात आक्रमक भूमिका घ्यावी, असे विशाल धनवडे यांनी सांगितले.संपूर्ण देश नरेंद्र मोदी यांच्या बरोबर आहे. आमचाही त्यांना पाठिंबा आहे. चीनला चांगला धडा शिकविण्याची गरज असल्याचे शिवसेनेच्या पदाधिकाऱ्यांकडून सांगण्यात आले.दरम्यान, चीनला धडा शिकविण्यासाठी त्यांच्या वस्तू न खरेदी करण्याचे आवाहन शिवसेनेतर्फे करण्यात आले.