पुणे- – स्वातंत्र्यवीर सावरकर आणि नथुराम गोडसे यांचे शाररीक संबध होते ,सावरकरांना होमो म्हणणे इतक्या खालच्या पातळीवरील टीका कॉंग्रेसकडून होते आहे .माझा प्रश्न हिंदुत्ववादी शिवसेनेचे उद्धव ठाकरे यांना आहे उद्धव ठाकरेजी सावरकरांवरील हि टीका तुम्हाला चालतेय काय ? असा सवाल भाजपचे प्रदेशाध्यक्ष चंद्रकांत दादा पाटील यांनी येथे केला .
क्रांतीज्योती सावीत्रीबाई फुले जयंतीनिमित्त चंद्रकांत पाटील यांनी आज फुले स्मारक येथे जाऊन अभिवादन केले. यानंतर सावित्रीबाई फुले यांनी महिलांसाठी ज्या भिडे वाड्यात शाळा सुरू केली त्या वाड्याचे स्मारक व्हावे यासाठी महापालिका आयुक्त सौरभ राव यांची भेट घेतली. यानंतर आयोजित पत्रकार परिषदेत पाटील बोलत होते. याप्रसंगी महापौर मुरलीधर मोहोळ, उपमहापौर सरस्वती शेंडगे, सभागृह नेते धीरज घाटे स्थायी समिती अध्यक्ष हेमंत रासने उपस्थित होते.
मध्यप्रदेश काँग्रेस सेवादलाने काढलेल्या पुस्तिकेत स्वातंत्र्यवीर सावरकर आणि नथुराम गोडसे यांचे शारीरिक संबध होते असा उल्लेख केला आहे. या वृत्तीचा मी निषेध करतो. राज्यातील गाव पातळीपर्यंत भाजप कार्यकर्त्यांनी याचा निषेध करावा असे आदेश मी दिले आहेत. सावरकरांना प्रखर हिंदुत्ववादी मानणारे मुख्यमंत्री उद्धव ठाकरे सावरकरांचा अगदी खालच्या पातळीवर जाऊन केलेला अपमान सहन करणार का ? असा माझा प्रश्न आहे.
