गुळवणी महाराज पथाच्या काँक्रिटीकरणाचे काम सोमवार पासून सुरु होणार
नागरिकांची गैरसोय टाळण्यासाठी पर्यायी मार्ग वापरण्याची सूचना
-नगरसेविका मंजुश्री खर्डेकर व नगरसेवक दीपक पोटे यांच्याकडून पर्यायी व्यवस्थेची प्रत्यक्ष पाहणी….
पुणे-एरंडवण्यातील गुळवणी महाराज पथाचे (मेहेंदळे गेरेज चौक ते स्वप्नशिल्प कोपरा ) सिमेंट काँक्रिटीकरणाचे अर्धवट राहिलेले काम सोमवार पासून पुन्हा सुरु होणार आहे,पहिल्या टप्प्यात स्वप्नशिल्प ते पवित्रा हॉटेल चौकापर्यंतचे काम पूर्ण झाले असून सोमवारपासून पवित्रा हॉटेल ते सी डी एस एस चौकाचे काम केले जाणार आहे,यासाठी सदर रस्त्याची एक बाजू वाहतुकीसाठी बंद ठेवण्यात येणार आहे,यामुळे वाहनचालकांना व स्थानिक रहिवाश्यांना त्रास होऊ नये यासाठी पर्यायी व्यवस्थेची पाहणी नगरसेविका मंजुश्री खर्डेकर व नगरसेवक दीपक पोटे यांनी आज केली व योग्य सूचना ही केल्या,नागरिकांना समजेल अश्या पद्धतीने दिशादर्शक फलक लावावेत,रात्रीच्या वेळी अपघात टाळण्यासाठी फ्लोरेसेन्ट फलक लावावेत अश्या विविध सूचना हे त्यांनी केल्या.काम सुरु असण्याच्या कालावधीत नागरिकांनी पटवर्धन बागेतील गल्लीचा वापर करावा असे आवाहन सौ खर्डेकर व श्री दीपक पोटे यांनी केले आहे.