सॅमसंगतर्फे गॅलेक्सी जे सेव्हन मॅक्स, गॅलेक्सी जे सेव्हन प्रो सॅमसंग पे सुविधा आणि पहिल्यांदाच सोशल कॅमेऱ्यासह लाँच

नवी दिल्ली – सॅमसंग इंडियाने आज सॅमसंग गॅलेक्सी जे सेव्हन मॅक्स आणि सॅमसंग गॅलेक्सी जे सेव्हन प्रो लाँच करत गॅलेक्सी जे ही स्मार्टफोन्सची सर्वाधिक विकली जाणारी श्रेणी विस्तारण्याची घोषणा केली. भारतातील सर्वाधिक पसंतीची स्मार्टफोन मालिका आता सॅमसंग पे आणि नव्या सोशल कॅमेऱ्यासारख्या क्रांतीकारी सुविधांसह उपलब्ध झाली आहे.

 सॅमसंग गॅलेक्सी जे सीरीज सॅमसंगला भारतीयांप्रती वाटणाऱ्या बांधिलकीचे प्रतीक आहे. जे सीरीज अल्ट्रा डेटा सेव्हिंद्ज, एस बाइक मोड, एस पॉवर प्लॅनिंगसारख्या ‘मेक फॉर इंडिया’ नाविन्यांनी सजलेली असून त्यामुळे जे स्मार्टफोन्सचे मूल्य वाढले आहे. या नाविन्यपूर्ण सुविधांमुळे ग्राहकांच्या मोबाइल वापरासंदर्भातील विशिष्ट समस्यांवर उत्तर मिळाले असून भारतीय ग्राहकांमध्ये ही सीरीज सर्वाधिक लोकप्रिय करण्यासाठी त्याची मदत झाली आहे. सॅमसंग पे आणि सोशल कॅमेऱ्यासारख्या सुविधा गॅलेक्सी जे सेव्हन आणि गॅलेक्सी जे सेव्हन प्रो या नव्या उपकरणांमध्ये समाविष्ट करत सॅमसंग हा वारसा पुढे नेत आहे.

या शक्तीशाली स्मार्टफोन्सचा ग्राहकांना विविध कारणांसाठी वापर करता येणार असून सॅमसंगची ही उपकरणे ग्राहकाच्या बहुआयामी जीवनशैलीला सुसंगत बनवण्यात आली आहेत.

‘मध्यम प्रकारच्या स्मार्टफोन बाजारपेठेत सॅमसंग जे सीरीज आघाडीच्या स्थानावर असून भारतीय ग्राहकांकडून त्याला सातत्यापूर्ण मागणी मिळत आहे. सॅमसंगमध्ये आम्ही आमच्या ग्राहकांच्या प्रतिक्रिया ऐकून त्यांचे जीवनमान उंचावेल अशा प्रकारचे अर्थपूर्ण नाविन्य त्यात समाविष्ट करतो. मध्यम प्रकारच्या बाजारपेठेतील वाढती मागणी लक्षात घेऊन आम्ही गॅलेक्सी जे सेव्हन आणि गॅलेक्सी जे सेव्हन प्रो ही दोन नवी मॉडेल्स लाँच केली आहेत. सॅमसंग पे आणि सोशल कॅमेऱ्यासारखी अधिक दर्जेदार व क्रांतीकारी वैशिष्ट्यांमुळे आमचे आघाडीचे स्थान अधिक बळकट होईल,’ असे श्री. सुमीत वालिया, संचालक, मोबाइल व्यवसाय, सॅमसंग इंडिया यांनी सांगितले.

सॅमसंग पे च्या मदतीने केव्हाही भरा पैसे

नुकतीच लाँच करण्यात आलेली सॅमसंग पे ही सुविधा गॅलेक्सी जे सेव्हन प्रोवर उपलब्ध करण्यात आली आहे, तर गॅलेक्सी जे सेव्हनमध्ये सॅमसंग पे मिनी ही सुविधा देण्यात आली आहे.

सॅमसंग पे ग्राहकांना त्यांच्या सॅमसंग स्मार्टफोनचे वॉलेट, क्रेडिट व डेबिट कार्डमध्ये रुपांतर करता येऊ शकते. सॅमसंग पे च्या मदतीने ग्राहकांना पेटीएम तसेच सरकारचे युनिफाइड पेमेंट इंटरफेज (यूपीआय) वापरता येईल आणि पॉइंट ऑफ सेल (पीओएस) मशिनवर फोन केवळ टॅप करून केव्हाही पैसे भरता येतील. सॅमसंग पे च्या सोप्या, सुरक्षित आणि सर्वत्र लागू होणारे वैशिष्ट्य देशभरातील सर्व प्रमुख पीओएस टर्मिनल्सवर वापरता येते. सॅमसंगचे पेटंटेड तंत्रज्ञान – मॅग्नेटिक सिक्युअर ट्रान्समिशनमुळे (एमएसटी) सॅमसंग पे नेहमीच्या पीओएस मिशनवर वापरता येते आणि त्यामुळे सॅमसंग पे सर्व प्रकारच्या दैनंदिन व्यवहारांसाठी वापरता येते.

सॅमसंग पे मिनी भारतातील मध्यमवर्गीय ग्राहकांच्या अभिनव गरजा लक्षात घेऊन बनवण्यात आले असून ते युपीआय व ई- वॉलेटसाठी सर्वसमावेशक व्यासपीठ पुरवते. सॅमसंग मिनी पहिल्यांदा गॅलेक्सी जे सेव्हन मॅक्सवर लाँच करण्यात येईल व त्यानंतर सध्याच्या निवडक जे सीरीजमध्ये समाविष्ट केले जाईल.

एडिट, शेअर, डिस्कव्हर करा सोशल कॅमेऱ्यासह

दोन्ही स्मार्टफोन्सना १३ एमपी फ्रंट कॅमेरा आणि एफ १.९ लेन्स व बॅक कॅमेरा (गॅलेक्सी जे सेव्हन प्रोमध्ये फ्लॅट बॅक) एफ१.७ लेन्स, फ्लॅशसह देण्यात आला असून आतापर्यंत ही सुविधा केवळ सॅमसंगच्या प्रमुख फोन्समध्येच उपलब्ध होती. एफ१.७ आणि एफ१.९ लेन्सेसमुळे ग्राहकाला कमी प्रकाशात आणि अंधुक उजेड असलेल्या परिसरात चांगले फोटो व उठावदार सेल्फी घेता येतात.

सोशल कॅमेरा हे आमचे अत्याधुनिक तंत्रज्ञान ग्राहकांना इन्स्टंट शेअरिंग, इन्स्टंट एडिटिंग आणि इन्स्टंट डिस्कव्हरीसह नव्या पद्धतीने स्मार्टफोन कॅमेरा वापरायची सोय देते. ग्राहकांना आता त्यांचे आवडते कॉन्टॅक्ट्स आणि सोशल मीडिया कॅमेऱ्यामध्ये पिन करता येतात आणि क्लिक केल्यावर लगेचच थेट शेअर करता येतात. इन्स्टंट एडिटिंगवरील लाइव्ह फिल्टर्स किंवा लाइव्ह स्टिकर्सच्या मदतीने ग्राहकांना सोशल मीडियासाठी लगेच कंटेट तयार करता येतो व तो लगेच सोशल मीडिया अप्सवर शेअर करता येतो. यामुळे इतर इमेज एडिटिंग अपवर अवलंबून राहावे लागते नाही. इन्स्टंट डिस्कव्हरी वैशिष्ट्यामुळे अत्याधुनिक रिअलिटी कॅमेऱ्याला नवा आयाम लाभला असून त्यामुळे ग्राहकाला त्याच्या भोवतीच्या परिसराती लोकप्रिय फोटोग्राफी ठिकाणे, रेस्टॉरंट्स व खरेदीची ठिकाणे शोधता येतात.

कामगिरी

गॅलेक्सी जे सेव्हन मॅक्सला १.६ जीएचझेड ऑक्टा कोअर प्रोसेसर, ३३०० एमएएच बॅटरी आणि चार जीबी रॅम देण्यात आल्यामुळे त्यावर अतिशय सुलभ पद्धतीने मल्टीटास्किंग करता येते. गॅलेक्सी जे सेव्हन प्रोमध्ये १.६ ऑक्टा एक्सनॉस प्रोसेसर, तीन जीबी रॅम, ३६०० एमएएच बॅटरी देण्यात आल्यामुळे वापरात कोणताही अडथळा येत नाही. ही दोन्ही उपकरणे जास्तीत जास्त चांगली कामगिरी करण्यासाठी व दीर्घकाळ टिकणाऱ्या बॅटरीसह तयार करण्यात आली असून त्यामुळे सफाईदार वापर अनुभवता येतो. दोन्ही स्मार्टफोन्ससाठी मेटल युनिबॉडी वापरल्यामुळे ते स्टायलिश दिसतात. या शक्तीशाली स्मार्टफोन्सचा ग्राहकांना विविध कारणांसाठी वापर करता येणार असून सॅमसंगची ही उपकरणे ग्राहकाच्या बहुआयामी जीवनशैलीला सुसंगत बनवण्यात आली आहेत.

गॅलेक्सी जे मॅक्स आणि गॅलेक्स जे सेव्हन प्रो ग्राहकांना अनुक्रमे १७,९९० आणि २०,९०० रुपयांत व काळ्या व सोनेरी रंगात खरेदी करता येतील. गॅलेक्सी जे सेव्हन मॅक्स देशभरातील सर्व रिटेल दालनांमध्ये २० जून २०१७ पासून, तर गॅलेक्स जे सेव्हन जुलै महिन्याच्या मध्यावर उपलब्ध होणार आहे.

सॅमसंग गॅलेक्सी जे मॅक्सची वैशिष्ट्ये

सॅमसंग गॅलेक्सी जे सेव्हन प्रोची वैशिष्ट्ये