मुंबई– भारतीय रिझर्व्ह बँकेच्या मॉनेटरी पॉलिस कमिटी(एमपीसी)ने गुरुवारी व्याज दरांची घोषणा केली. यावेळी रेपो रेटमध्ये 0.25% घट करण्यात आली आहे. यामुळे रेपो रेट 6% वरून 5.75% टक्के झाला आहे. पण ग्राहकांना रेटो रेटचा फायदा केव्हा आणि किती मिळणार हे बँकांवर अवलंबून आहे. या रेपो रेटवरच आरबीआय व्यावसायिक बँकांना कर्ज देत असते.
रेपो दर कमी होणे अपेक्षित होते
आर्थिक विकासाचा वेग मंदावल्यामुळे आरबीआयवर व्याज दर कमी करण्याचा दबाव वाढला होता. मार्च तिमाहीत जीडीपीचा विकास दर कमी होऊन 5.8% राहिला. तर 2018-19 या संपूर्ण वर्षात विकास दर 6.8% होता. गेल्या पाच वर्षांतील सर्वांत कमी विकास दर आहे. अशातच स्वस्त कर्जाद्वारे बाजारात व्यवहार वाढवून अर्थव्यवस्थेचा वेग वाढवण्याचा राष्ट्रीयकृत बँकांचा प्रयत्न आहे.
20 लाखांच्या गृहकर्जावर लागणार ईएमआय
कर्ज रक्कम | जुना ईएमआय दर | नवीन ईएमआय दर | दर महिन्याची बचत |
20 लाख | 17,483 रूपये | 17,167 रूपये | 316 रूपये |
30 लाख | 26,225 रूपये | 25,751 रूपये | 474 रुपये |
50 लाख | 44,505 रूपये | 43,708 रूपये | 797 रूपये |
> 30 लाखांपर्यंतच्या कर्जावरील जुना दर 8.60% आणि नवीन दर 8.35% च्या आधारावर गणना
> 50 लाखांपर्यंतच्या कर्जावरील जुना दर 8.85% आणि नवीन दर 8.60% च्या आधारावर गणना
> बँक देखील व्याजदरात 0.25% कपता केली तर नवीन दरांवर केलेली गणना लागून होणार
पाच वर्षांच्या कार लोनसाठी लागणार ईएमआय
कर्ज रक्कम | जुना ईएमआय | नवा ईएमआय दर | दर महिन्याला बचत |
3 लाख | 6,286 रूपये | 6,249 रूपये | 37 रूपये |
5 लाख | 10,477 रूपये | 10,416 रूपये | 61 रूपये |
10 लाख | 20,953 रूपये | 20,831 रूपये | 122 रूपये |
(जुना व्याजदर 9.40% आणि नवीन दर 9.15%च्या आधारावर गणना)
बँकांनी व्याज दरात 0.25% कपात केल्यावरच ईएमआयमध्ये कपात होणार