महाराष्ट्र राज्य मोटार ड्रायव्हिंग स्कुल असोसिएशनच्या अध्यक्षपदी राजू घाटोळे यांची फेरनिवड करण्यात आली . औंधमधील भारतरत्न भीमसेन जोशी सभागृहात झालेल्या महाराष्ट्र राज्य मोटार ड्रायव्हिंग स्कुल असोसिएशनच्यावतीने आयोजित राज्यस्तरीय बैठकीत हि निवड करण्यात आली .
राजू घाटोळे हे विनायक ड्रायव्हिंग स्कुलच्या माध्यमातून गेली ३१ वर्षापासुन पुणे परिवहन कार्यालयात मोटार ड्रायव्हिंग स्कुलच्या माध्यमातून कार्यरत आहेत . ते राज्य मोटार ड्रायव्हिंग स्कुल असोसिएशन व पुणे शहर मोटार ड्रायव्हिंग स्कुल असोसिएशनचे अध्यक्ष म्हणून कार्यरत आहे
महाराष्ट्र राज्य मोटार ड्रायव्हिंग स्कुल असोसिएशनच्या अध्यक्ष म्हणून ड्रायव्हिंग स्कुलच्या विविध मागण्यासाठी राज्याच्या परिवहन विभागाकडे व परिवहन आयुक्त कार्यालयाकडे पाठपुरावा केलेला आहे . पी सी आर ए ( मुंबई ) व ड्रायव्हिंग स्कुल असोसिएशनच्या संयुक्त विद्यमाने राज्यातील विविध परिवहन कार्यालयात ” इंधन वाचवा ” या परिसवादांचे यशस्वी आयोजन केले होते . आय डि टि आर पुणे यांच्याबरोबर अवजड वाहनाच्या वाहनचालकासाठी असलेला रिफ्लेशल कोर्सचे यशस्वी आयोजन केले होते . परिवहन कार्यालय पुणे यांच्या समवेत रस्ता सुरक्षा सप्ताह दरम्यान विविध कार्यक्रमाचे यशस्वी आयोजन केले होते . राज्यभरातील ड्रायव्हिंग स्कुल मालकांचे एक दिवशीय शिबिराचे आयोजन त्यांच्या नेतृत्वाखाली पार पडले . सी आय आर टी पुणे व ब्रिजेसस्टोन यांनी आयोजित केलेल्या रस्ता सुरक्षा कार्यक्रमात यशस्वी सहभाग होता .