पुणे-छत्रपती शिवरायांच्या जयंतीनिमित्त अखिल भारतीय शिवमहोत्सव समितीच्या माध्यमातून शिवाजीनगर पुणे येथे एस.एस.पी. एम.एस. संस्थेच्या प्रांगणात असलेल्या छत्रपती शिवाजी महाराजांच्या जगातील पहिल्या स्मारकास अभिवादन कार्यक्रम आयोजित करण्यात आला होता. शिव-जन्मोत्सवा निमित्ताने शिवरायांचा पाळणा, पोवाडे, पालखी सोहळा आयोजित करण्यात आले होते. वैचारिक शिवजयंती साजरी करण्याचे व्रत अखिल भारतीय शिवमहोत्सव समितीने पाळले असल्याचे खासदार वंदना चव्हाण यांनी आपल्या मनोगतात सांगितले.. समितीचे अध्यक्ष विकास पासलकर यांनी प्रास्थाविक केले. मालोजीराजे छत्रपती कोल्हापूर संस्थान यांनी जनतेस शिवजयंतीच्या शुभेच्छा दिल्या. अभिनेत्री प्राजक्ता गायकवाड, विकास पासलकर यांनी पालखीला आणली . छत्रपती शिवरायांनी तळागाळातील माणसांना स्वराज्याच्या मुख्य प्रवाहात सामील करून घेतले. हाच आदर्श समोर ठेऊन भिक्षेकरी डॉ.अभिजित सोनवणे यांच्या प्रयत्नातून भीक मागणे सोडून वेगवेगळ्या व्यवसायात आलेल्या भिक्षेकऱ्यांच्या सोबत आम्ही या वर्षीची शिवजयंती साजरी केली. या सर्व भिक्षेकऱ्यांनी छत्रपती शिवरायांच्या साक्षीने परत आयुष्यात कधीही भीक न मागण्याची शपथ यावेळी घेतली, त्याचप्रमाणे राजर्षी शाहू महाराज सोशल फाउंडेशनच्या माध्यमातून स्मृतिशेष स्वप्नील कोलते यांची मुलगी गाथा स्वप्नील कोलतेला शिष्यवृत्तीचा धनादेश देण्यात आला. आमदार सिद्धार्थ शिरोळे, जिजाऊंचे वंशज अमरसिंह जाधवराव, बार कौन्सिल अध्यक्ष सुधीर मुळीक, राजर्षी शाहू महाराज सोशल फाउंडेशनचे कैलास वडघुले, प्रशांत धुमाळ, विराज तावरे, जितेंद्र साळुंखे, राजाभाऊ पासलकर, दत्ताभाऊ पासलकर, मंदार बहिरट, युवराज ढवळे व मोठ्या संख्येने शिवप्रेमी उपस्थित होते. सौ.स्नेहल पायगुडे यांनी जिजाऊ वंदनेने कार्यक्रमाची सुरुवात केली तर सौ.बनबरे ताईंनी राष्ट्रगीताने सांगता करण्यात आली.