एम . सी . इ . सोसायटीमधील ‘ जॉब फेअर ‘ ला मोठा प्रतिसाद
पुणे :
असोसिएशन ऑफ मुस्लिम प्रोफेशनल्स आणि महाराष्ट्र कॉस्मोपॉलिटन एज्युकेशन सोसायटीच्या ‘अल्लाना इन्स्टिट्यूट ऑफ मॅनेजमेंट सायन्सेस ‘ आयोजित ‘मेगा जॉब फेअर ‘ ला चांगला प्रतिसाद मिळाला .
एम . सी . इ . सोसायटी (पुणे कॅम्प ) येथे हा उपक्रम पार पडला . ६० कार्पोरेट कंपन्या यात सहभागी झाल्या . ११०० युवक -युवतींनी नोंदणी केली ,मुलाखतीनंतर १६० जणांना ऑफर लेटर देण्यात आले . तर ६०० जणांना मुलाखतीच्या पुढील फेरीसाठी निवडण्यात आले .
एम . सी . इ . सोसायटी च्या उपाध्यक्ष आबेदा इनामदार यांनी उद्घाटन केले . दक्खन मोमीन जमात ‘ या संघटनेने संयोजनात सहकार्य केले . ‘अल्लाना इन्स्टिट्यूट ऑफ मॅनेजमेंट सायन्सेस ‘ चे संचालक डॉ . आर . गणेसन यांनी स्वागत केले .असोसिएशन ऑफ मुस्लिम प्रोफेशनल्सचे इफ्तिकार शेख ,रज्जाक शेख उपस्थित होते .