आयएमईडीच्या प्लेसमेंट-95 हून अधिक कंपन्यांचा सहभाग
पुणे :‘भारती विद्यापीठ इन्स्टिट्यूट ऑफ मॅनेजमेंट अॅण्ड आंत्रप्रुनरशीप डेव्हलपमेंट’ (आयएमईडी) च्या प्लेसमेंटला चांगला प्रतिसाद मिळाला आहे.
या प्लेसमेंट उपक्रमात सुमारे 95 हून अधिक विविध कंपन्यांकडून प्रतिसाद मिळाला.
यामध्ये ‘गुगल’, ‘अॅमेझॉन’, ‘रिलायन्स इंडस्ट्रीज’, ‘आय.टी.सी.’, ‘आदित्य बिर्ला’, ‘आय.सी.आय.सी.आय.’ ‘सिक्युरिटीज’, ‘विप्रो’, ‘टेक महिंद्रा’, ‘बजाज अलियान्स’, ‘मोतीलाल ओसवाल’ आदी कंपन्यामध्ये विद्यार्थ्यांच्या नियुक्त्या करण्यात आल्या आहेत.
2017-18 या शैक्षणिक वर्षात आय.एम.ई.डी. चे 160 हुन अधिक विद्यार्थी संस्थेच्या ‘कार्पोरेट रिसोर्स सेल’ मधून विविध कंपन्यांमध्ये नियुक्त करण्यात आले आहेत.
यामध्ये विद्यार्थ्यांना आंतरराष्ट्रीय पातळीवर 48 लाख, व देशपातळीवर 10 ते 12 लाखांचे पॅकेज मिळाले आहे, अशी माहिती डॉ. सचिन वेर्णेकर (‘भारती विद्यापीठ व्यवस्थापनशास्त्र शाखेचे अधिष्ठाता आणि इन्स्टिट्यूट ऑफ मॅनेजमेंट अॅण्ड आंत्रप्रुनरशीप डेव्हलपमेंट’चे संचालक) यांनी दिली.
यशस्वी उद्योजक निर्माण करणे हे ब्रीद वाक्य असणार्या आय.एम.ई.डी.मध्ये उच्चशिक्षणाला पोषक वातावरण, उत्तम शिक्षणपद्धती, उच्चशिक्षित शिक्षकवर्ग व विद्यार्थी हा केंद्रबिंदू असल्यामुळे या प्लेसमेंट ला चांगला प्रतिसाद मिळाला’.
काळाची गरज ओळखून अतिशय दूरदृष्टीने विविध उपक्रमांचे आयोजन आय.एम.ई.डी.मध्ये केले जाते. यामध्ये इंडस्ट्री इन्स्टिट्यूट पार्टनरशीप समीट, एच.आर मिट, माजी विद्यार्थी मेळावा, कौशल्य विकासासाठी मार्गदर्शन कार्यशाळा यांचा समावेळश असल्याचे देखील त्यांनी सांगितले.
आय.एम.ई.डी.विषयी :
आय.एम.ई.डी. ला बिझनेस व मॅनेजमेंट क्रोनिकलकडून ’अ’ श्रेणी मिळाली आहे. भारत शासनाच्या मनुष्यबळ विकास मंत्रालयाकडून भारतात 40 वे मानांकन, तसेच भारतातील व्यवस्थापन शास्त्रातील मानाच्या पहिल्या 10 संस्थांमध्ये स्थान मिळाले आहे